Gerði einn á 10l á hellunni um daginn. Þetta var algjör frumraun í einhverju ávaxta fikti en kom mjög vel út, þó ég segi sjálf frá. Uppskriftin er nokkurn vegin svona.
1,5 kg Vienna
0,38 kg Pilsner
0,20 kg Hveitimalt
10 g Mosaic í 60 mín.
1,39 kg Rasberry Puree frá Vintners í secondary (Fæst í brew en fyrir þá sem vilja skipta út fyrir fersk ber þá notar maður 10-15% meira af þeim.)
Setti kornið í 7L af 66-67°C vatni og skolaði það með 5L af 72°C heitu vatni. Hann var bara soðin í 60 mínútur þar sem pilsner hlutfallið var það lágt og höfum hingað til ekki greint neitt DMS bragð í bjórnum. OG var 1.040.
Bjórinn var gerjaður í stofu hita með US-05. Eftir ca. viku var allt orðið rólegt og þá skellt þessu á hindberjamaukið, þá fer allt af stað aftur og bara beðið þar til þetta er búið. Ég pældi ekki í FG útaf hindberjamaukinu og þeim útreikningum sem fylgdi því, annars átti þetta bara að vera skemmtileg tilraun. Honum var að lokum skellt á kút og settur á 20 Psi í svona 2-3 daga og svo niður í 10 Psi.
Hann hefur mjög léttan hindberja keim, smá hindberjasýra samt mjög léttur og crisp. Er hissa hvernig hveitið er ríkt í bragðinu þrátt fyrir lítið magn. Alls ekki maltaður og mjög fínn kellingabjór. Mjög léttur og flottur sumarbjór.