Amerískur IPA

[Eyvindur]

Þetta var fyrsti bjórinn sem ég gerði all grain. Meskingin var í kaldari kantinum, eða í kringum 66°C, og auk þess löng, eða í kringum tvo tíma. Nýtnin var rúmlega 82%. OG var 1.063 og FG var 1.010, sem gerir tæplega 7% áfengi. Hann er ansi beiskur og humlaangan og bragð eru í forgrunni, miðjunni og bakgrunni. Þótt ég segi sjálfur frá er þetta líklega besti bjór sem ég hef smakkað. Klárlega uppskrift sem ég á eftir að prófa aftur, einhvern daginn.

4500 g Amerískt 2-row malt
500 g Ljóst kristal malt
200 g Cara-Pils® Malt
500 g Speltflögur
10 g Centennial humlar (11.7%) - Settir út í á meðan rann úr meskikerinu (first wort hops), soðnir í 90 mín
20 g Centennial humlar (11.7%) - Settir út í suðuna, soðnir í 60 mín
25 g Centennial humlar (11.7%) - Settir út í suðuna, soðnir í 15 mín
30 g Cascade humlar (5.8%) - Settir út í eftir suðu
30 g Cascade humlar (5.8%) - Settir út í seinna gerjunarílát
Fermentis US-05 Safale US-05 ger

[Hjalti]

Þessi lítur út fyrir að vera aaaaalgert nammi....

maður einfaldlega verður að komast í að smakka þetta hjá þér einhverntíman. Svakalega girnileg uppskrift!

[Eyvindur]

Þessi bjór er nammi, og vel það. Jeminn eini hvað ég fór að skilja allt talið um "C-humla" þegar ég smakkaði þennan fyrst. Og þótt ég hafi reyndar engan samanburð held ég að "first-wort" tæknin (að setja smá af humlum út í um leið og virtirinn rennur í pottinn) sé heillaráð. Það á víst að gera beiskjuna rúnnaðri og mýkri... Allavega er þessi bjór vel beiskur, en rennur samt mjög ljúft niður.

Ég gef þér smakk við tækifæri, gegn loforði um smakk af hafra-stout og að sjálfsögðu Fuggle IPA... Nammi nammi, humlar!

[arnilong]

Það væri gaman að hittast allir seinna í sumar og drekka afurðir okkar saman. Allir fá smá smakk frá öllum hinum. Jafnvel að hafa eitthvað gott að borða með, baguette, osta. Eða eitthvað....

[Eyvindur]

Ég held að það sé algjörlega óhjákvæmilegt... Í raun ættum við að stefna að mánaðarlegum Fágunarfundi. Held að það ætti að standa skýrt í reglum félagsins.

[Hjalti]

Við erum með góðan hauk í horni hjá Nýlenduvöruverzlun Hemma og Valda fyrir svona fundi, þeir gefa okkur ódýrari micro brew og sér herbergi fyrir fundi á efri hæðinni

[Stulli]

Geggjað. Erum við þá bókaðir í Nýlenduvöruverzluninni nk mánudagskvöld kl21?

[Stulli]

Æ, ég meinti 18. maí

[Eyvindur]

Svakalega líst mér vel á þetta á mánudagskvöldið. En upp á reglulegan hitting held ég að við eigum að gera þetta öðruvísi.

Trúlega væri illa séð til framtíðar að við værum að smakka heimagerðan bjór þar, þannig að ég held að það væri best að hafa hina reglulegu fundi í heimahúsum. Við getum róterað á milli staða o.s.frv. Við finnum einhverja sniðuga lausn á því. Held að það sé bæði persónulegra en hitt, og betra upp á smakk og þess háttar. Eins getum við komið með mat og haft samskotakvöldverði og þannig... Þannig finnst mér þetta eiga að vera.

[Stulli]

Algerlega sammála Eyvindi. Hafði hugsað það sama. Bara nota Nýlenduvöruverslunina fyrir stofnfund svo að allir geti kynnst og þannig.