Fyrsta bruggun - Fyrsta spurning

[exovis]

Sæl öllsömul,

Ef þessari spurningu hefur verið fleygt fram áður biðst ég afsökunnar, fann hana ekki við leit.

Málið er að ég er nýbúinn að taka mín fyrstu hænuskref inní bruggun, og skellti í 'Cooper's Real Ale' lögn. Mig er hinsvegar farið að gruna að ég hafi klúðrað þessu eftir að ég mældi hitastigið á rýminu og sá að það er svona á bilinu 12-14° (hitastig úti hefur áhrif). Ég kom höndum yfir hydrometer í dag (2 sólarhringum eftir blöndum) og fæ út úr mælingu 1.0035.

Svo ég býst við því að ég hafi tvær spurningar. Er rýmið of kalt ? Ef það er of kalt, sem ég geri ráð fyrir að valdi því að gerið sofni/deyi/? og gerjun byrji ekki. Ef svo er, er það í lagi að færa þetta til yfir í heitara rými og skella meira geri samanvið þegar vökvinn hefur náð æskilegra hitastigi (leiðbeiningar taka fram 20°)?

Með fyrirfram þökk,
Arnór

[Plammi]

Ættir að vera í góðu lagi, tekur bara lengri tíma við þetta hitastig. Mæli samt með að hækka hitann um nokkrar gráður og hafa það þannig í 2-3 vikur. Ekki bæta við geri.

[exovis]

Flotter, takk kærlega fyrir svarið.

[helgibelgi]

Sæll og velkominn í sportið

Hvernig ger notaðirðu? Þú getur googlað það og séð hvaða hitastig er mælt með fyrir það.

Ef þú notaðir gerið sem fylgdi með gæti mig grunað að það sé eldgamalt ölger. Það myndi ekkert skemma fyrir að færa fötuna yfir í örlítið heitara rými og jafnvel bæta við nýju geri, t.d. US-05 eða S-04 (bæði ger sem gefa frekar hreinan karakter). Það er samt alls ekkert nauðsynlegt að bæta við gerinu, líklega mun gerið sem fylgdi með klára verkið.

Ég spái því hins vegar að þessi bjór verði ekkert meistaraverk, þessi kit einfaldlega bara ná því sjaldan. Ef þú hefur aðstöðu til þess mæli ég með að þú komir þér upp all-grain kerfi! Annars eru þó nokkrir hérna inni sem hafa tekist að búa til góðan kit/extract bjór sem gætu gefið þér góð ráð.