Vangaveltur um sykur.

[toggitjo]

Ég hef verið að lesa mér til um hvað ég gæti notað í staðinn fyrir sykur/glúkósa. Vangavelturnar hófust þegar ég smakkaði áður en ég setti á flöskur. Mér fannst bjórinn frekar súr og ég fór að spá í hvað ylli. Ég las mér til og komt að því að það gæti verið vegna þess að ég notaði glúkósa. Ég fór allt í einu að spá í hvort að ég gæti ekki skipt út glúkósa fyrir maltextrakt, hunang, hlynsýróp eða annað slíkt ?

Og þá vöknuðu enn fleiri spurningar:

Er sniðugt að nota eitthvað annað til þess að præma en glúkósa ?

Eins var ég að spá í hlutföllum, þ.e.a.s. ef mér reiknast til að ég þurfi eitt kíló af glúkósa, hvað þarf ég mikið af t.d. maltextrakti til að fá sömu niðurstöðu o.s.f. ?

Ætli bragðið af maltinu/hunanginu komi mjög sterkt í gegn ?

Tekur gerjunin ekki mun lengri tíma þegar ég nota flóknari sykrur ?

[hrafnkell]

Þú ert væntanlega í kit pælingum, ekki all grain.. Er það rétt?

Ef svo er, þá skilst mér að malt extract sé mun líklegra til að gera þolanlegan bjór úr kitti frekar en sykur. Það þarf þó að sjóða það og föndra aðeins með. Hunang, hlynsýróp, sykur og annað eru allt einfaldar sykrur og munar litlu sem engu á bragði í lokin, nema hugsanlega einhverjir illgreinanlegir tónar. Súra bragðið (og fleiri óæskileg) verður alltaf til staðar ef þú notar stóran part einfaldar sykrur í bjórinn þinn.

Einhverjir hafa líka mælt með að gera bara hálfa uppskrift með kitdósunum, og setja lítinn sem engan sykur. S.s. gera 10 lítra úr dósinni frekar en 20.

Varðandi priming þá skaltu nota ódýrasta sykur sem þú finnur, það hefur engin áhrif á bragð.

[toggitjo]

Já, kit pælingar voru það heillin í þetta sinn.

Ég ákvað að áður en ég færi út í all grain þá myndi ég athuga hvernig þetta gengi fyrir sig. Þ.a.s hvernig þessi gjörningur passaði inn í litlu blokkaríbúðina mína. En þetta verður í fyrsta og síðasta sinn sem ég fer í einhverjar svona kit æfingar. Þetta er ekki fyrirhafnarinnar virði. Núna á mánudag stefni ég á að leggja í fyrsta all grain bjórinn.

En takk fyrir góð svör. Þú hjálpaðir mér að komast að því sem ég kannski vissi fyrir. Þetta verður líklega aldrei betra en illþolanlegt.

[gm-]

Jebb, þessi dósakit enda alltaf eins og súr þurr cider (með vott af bjórkeim) á bragðið ef farið er eftir leiðbeiningum á dósinni.

Það er hægt að gera þokkalegan bjór úr þeim með því að sjóða saman 2 dósir í stórum potti ásamt meirihluta vatnsins án nokkurs sykurs, og svo þurrhumla þetta til andskotans. En ef þú átt nógu stóran pott til að geta soðið saman 2 dósir + vatn, afhverju ekki bara svissa yfir í BIAB all-grain.

[bergrisi]

Tek undir þetta. Þegar ég var búinn að spá í bjórgerð í tuttugu ár (með löngum hléum) ákvað ég að prófa kit, og það skilaði mér engu. Hef síðan gert all grain ca. 40 sinnum og það er bæði betri árangur og miklu skemmtilegra. En skil vel nýliða sem hugsa í þessa veru en það er óþarfi.
Gangi þér vel með alla grain.