Ég er nýr í þessu öllu og er að spreyta mig á litlum BIAB lögunum, lögn nr.2 fer á flöskur um helgina. Þetta hefur gengið ágætlega með smá dash af panic og bjór á hliðarlínunni til að róa taugarnar.
Ég hef verið að leita að upplýsingum um væntanlegt geymsluþol á bjórnum en finn mjög misvísandi upplýsingar. Eru engar þumalfingursreglur um geymsluþol út frá bjórstílum?
Ég mun geyma bjórinn í venjulegri innigeymslu með 22-24°C.
Ef hreinlætið er í lagi þá geymast þeir í raun óendanlega. En flestir "venjulegir" bjórstílar eru bestir 2-3 mánaða gamlir og fara svo að þroskast í ranga átt eftir svona 6 mánuði.
Tek undir með Hrafnkeli. Ég gerði einn í stærri kantinum 19. desember 2009. Á enn þrjár flöskur eftir. Opnaði eina fyrir um 6 mánuðum, og skömmin var bara í góðu lagi (þeir hafa alltaf verið geymdir við stofuhita). Það besta er að bölvað kryddbragðið sem gerði hann nánast ódrekkandi þá, hefur dofnað svo mikið að hann er orðinn nokkuð fínn núna.
Minni bjórar kláruðust of fljótt til að ég gæti látið reyna á geymsluþolið.
Fyrirhugað: Bruggpása. Í gerjun: Ekkert. Í þroskun / lageringu: Ekkert. Á flöskum: Ekkert. Bruggað (AG): 588 l.