Sæl öll
Ég hef verið að pæla svolítið í víngerð undanfarna mánuði og er byrjaður að fikta mig eitthvað áfram í henni. Ég er búinn að sjá slatta af uppskriftum á netinu og ákvað að byrja á einhverju einföldu, einhverstaðar sá ég uppskrift af eplavíni sem var einfaldlega bara bónus eplasafi og sykur. Ég vissi hinsvegar ekki hvernig hlutföllin ættu að vera þannig að ég ákvað að byrja á litlum skala til þess að finna út hvað gæfi best af sér.
Ég prófaði sem sagt sex mismunandi hluti:
1 líter eplasafi + 300g sykur + vínger
1 líter eplasafi + 400g sykur + vínger
1 líter eplasafi + 500g sykur + vínger
1 líter eplasafi + 300g sykur + Turboger
1 líter eplasafi + 400g sykur + Turboger
1 líter eplasafi + 500g sykur + Turboger
Þetta er búið að gerjast í sirka þrjár vikur og það er mikill litarmunur á víngerinu og turbogerinu, turbogerið virðist vera mun gruggugra. Ég svo sem bjóst ekkert við því að turbogerið væri gott í víngerð en mig langaði bara til þess að prófa það.
Núna er bara spurning hvað ég ætti að gera næst eða þegar þetta er orðið fullgerjað, væri best að setja þetta á flöskur og geyma í mánuð?
Einnig datt mér í hug að gera jarðaberjavín, ég notaði fjórar niðursuðudósir með jarðaberjum og sauð það í smá tíma og bætti við 900g af sykri. Verður áhugavert að sjá hvernig það endar.
Ég veit ekkkert mikið hvað ég er að gera, er bara að prófa mig eitthvað áfram. Það væri gaman að fá einhver góð ráð frá reyndum bruggurum.