Ferðir í brugghús

[hallur]

Ágæta samkoma.

Þar sem fjölgun hér hefur verið talsverð þá þykir mér rétt að benda á að margir af okkur ungliðunum hér höfum aldrei farið í brugghús að skoða og smakka. Eeeer ekki kominn tími á svoleiðis ferð? Ég sting upp á að farið verði á Snæfellsnes eða bara aftur í Ölvisholt. Svo sting ég upp á því fyrir næsta sumar að einhverjir stórhuga menn fari bjórhringinn og kynni sér allar bjórgerðir landsins.

[Idle]

Til er ég! Var þó ekki síðasta ferð aðeins fyrir fullgilda meðlimi Fágunar, þ. e. þá sem hafa greitt einhver félagsgjöld? Ég rak augun í eitthvað slíkt um daginn, en get ekki með nokkru móti fundið þær upplýsingar aftur.

[hallur]

Ég komst ekki á fyrsta fund eftir að ég kom hér inn þannig að félagsgjöld gat ég ekki greitt. Ég hins vegar stefni á að mæta á næsta fund og mæti þá með fjögurþúsundkallinn í vasanum.

[Eyvindur]

Jú, það er hárrétt að allir skipulagðir viðburðir á vegum Fágunar eru eingöngu fyrir vottaða meðlimi í félaginu, sem þurfa reglum samkvæmt að greiða 4.000 krónur á ári í félagsgjald.

[Idle]

Eru reglur félagsins skráðar einhversstaðar, öðrum til glöggvunar? Í hvað eru félagsgjöldin svo notuð?

[Eyvindur]

Þar sem einhverjum snillingum datt í hug að neyða mig til að hreinskrifa og skjalfesta reglurnar, og ég hef sjaldan tíma til nokkurs og þess á milli nenni ég engu, á enn eftir að skjalfesta þær endanlega.

Félagsgjöldin eru notuð til að standa straum af kostnaði við þennan vef (hýsingu og lén) og svo fer afgangurinn í að gera okkur glaðan dag á árshátíð, eða það var allavega hugmyndin.