Heimsókn í Borg Brugghús 19. janúar kl 14:00

[halldor]

Jæja þá er komið að okkar árlegu heimsókn í Borg Brugghús.
Líkt og í fyrra munum við fá að smakka á nýjustu árgerðinni af Surti áður en hann kemur í Vínbúðir. Fágun mun að sjálfsögðu bjóða upp á léttar veitingar og Borgarmenn sjá um að enginn fari þyrstur heim.
Gert er ráð fyrir að heimsóknin standi yfir í um 2 klst.

[Uppfært] Lokað hefur verið fyrir skráningu og staðfestingarpóstur sendur á þá sem komast með
Að þessu sinni komast aðeins félagsmenn með þar sem 40 félagsmenn hafa nú skráð sig
Athugið að fullgildir félagsmenn Fágunar 2012-2013 hafa forgang í þessa heimsókn og fá að sjálfsögðu frítt. (Hér eru upplýsingar um það hvernig þú skráir þig í félagið)

Sjáumst þar,
Stjórnin

[hrafnkell]

Þeir sem mættu á fundinn og skráðu sig þar eru ready er það ekki?

[halldor]

Þeir sem mættu á fundinn og skráðu sig þar eru ready er það ekki?

Jú. Allir sem mættu á mánudagsfundinn 07.01.2013 og skráðu sig á forskráningarblaðið eru komnir á lista.

[bergrisi]

Búinn að skrá mig og hlakka mikið til.

[gardar]

Skráði mig fyrst í ferðina, greiddi svo limagjaldið, vona að maður detti beint í forgang

Edit: úps, gleymdi að senda kvittun en mundi þó eftir því að setja notendanafnið í skýringu, vona að það sleppi.

[halldor]

Skráði mig fyrst í ferðina, greiddi svo limagjaldið, vona að maður detti beint í forgang

Edit: úps, gleymdi að senda kvittun en mundi þó eftir því að setja notendanafnið í skýringu, vona að það sleppi.

Allt í góðu Garðar. Þú ert öruggur með.

[halldor]

Ath. Lokað hefur verið fyrir skráningu í heimsóknina fyrir aðra en fullgilda meðlimi.
Við höfum nú þegar fengið allt of margar skráningar og nú er svo komið að aðeins fullgildir meðlimir eru öruggir með. Við munum senda tölvupóst á alla sem hafa skráð sig, seinna í dag eða á morgun með upplýsingum um stöðu skráningar (þ.e. hvort aðilinn sé öruggur, líklegur eða úti).
Að sjálfsögðu hefðum við viljað fá alla áhugasama með í heimsóknina, en því miður er húsrúm takmarkað.

Með kveðju og þökk fyrir frábærar undirtektir,
Stjórnin

[Benni]

þar sem hópurin hefur nú stækkað töluvert undanfarið er þá ekki hægt að skoða það með næstu svona ferð að taka tvo daga í þetta svo að fleiri fái nú að njóta skemmtuninnar og fróðleiksins sem Borg bíður uppá? bara hugdetta

[halldor]

þar sem hópurin hefur nú stækkað töluvert undanfarið er þá ekki hægt að skoða það með næstu svona ferð að taka tvo daga í þetta svo að fleiri fái nú að njóta skemmtuninnar og fróðleiksins sem Borg bíður uppá? bara hugdetta

Sæll Benni

Jú það er alls ekki vitlaust. Félagið hefur blásið út á síðustu misserum og því ekki óeðlilegt að viðburðir stækki í umfangi. Það er alveg hægt að skoða það að heimsækja Borgarmenn aftur á þessu ári, en það veltur að sjálfsögðu á samþykki þeirra.
Við höfum t.d. þurft að færa bjórgerðarkeppnina í stærra húsnæði á hverju ári og einnig höfum við aukið magn af bjór í boði á keppniskvöldi.
Það sama gildir um kútapartíið á menningarnótt þar sem við fórum létt með 170 lítra af bjór í fyrra. Samanborið við 100 lítra árið áður.

Kveðja,
Halldór

[halldor]

Nú er skráningin í heimsóknina í Borg orðin full og allir sem sendu inn skráningu hafa fengið tilkynningu um það í tölvupósti hvort þeir komust með eða ekki. Fjöldi nýskráninga í félagið síðustu daga gerði það að verkum að aðeins fullgildir félagsmenn komust með í ferðina þetta árið.

Að sjálfsögðu hefðum við viljað að allir áhugasamir kæmust með, en því miður er húsrúm takmarkað.

Kveðja,
Stjórnin

[ulfar]

Djöfull er ég spenntur!

[hrafnkell]

Verulega mikil spenna hér á bæ.

[bergrisi]

Þetta er frábært. Gaman að menn eru að sjá það að það margborgar sig að vera fullgildur meðlimur í þessu félagi.
Ég segi það aftur að ég hef aldrei fengið eins mikið fyrir eins lítið við að vera fullgildur meðlimur í þessu snilldar félagi.

Sjáumst á laugardaginn.

[helgibelgi]

Takk fyrir frábæra heimsókn! Það er náttúrulega alger lúxus að fá að spjalla við Stulla og Valla um bjór og smakka afurðir þeirra!

Takk fyrir mig

[bergrisi]

Takk fyrir mig. Þetta eru höfðingjar.

[Classic]

Hvernig er það, var svo grimmt smakkað að enginn man eftir neinu slúðri?

Maður hefur heyrt sögur af páska-quadrupel með krassandi nafn og reyktu skrímsli sem fékk fyrst vængi þegar því var hrært saman við Myrkva, en meira fæ ég ekki upp úr mínum litla fugli sama hvað ég pressa á hann.. Voru þessir kallar á krönunum? Var eitthvað hægt að fiska upp úr meisturunum um við hverju má búast frá þeim á árinu?

[hrafnkell]

Við fengum að vita af þorra og páskabjórnum (ekki smakk af páska)... Svo var það auðvitað surtur 8.1 sem stóð uppúr að mínu mati.

Bjórarnir sem voru á krana:

(Allt prufubatch af viðkomandi bjórum)
1. Myrkvi - létt útgáfa af Myrkva - um 4%
2. Stekkjastaur
3. Lúðvík - Ansi svipaður útgáfunni sem kom í búðir
4. Full of shit - taðreyktur. Svaka mikill reykur, skemmtilegt að blanda við aðra, t.d. myrkva eða SMASH.
5. Súper benni (Benedikt) - Ofur sterkur, belgískur skratti
6. SMASH - 10% cascade og pilsner

Smökkuðum einnig surt 2013 og surt 2012 (8.1) sem var bruggaður ári og var geymdur í koníakstunnum í ár. 13% kvikindi.

Þetta var stórskemmtilegt, takk kærlega fyrir mig.

[gardar]

Við fengum að vita af þorra og páskabjórnum (ekki smakk af páska)... Svo var það auðvitað surtur 8.1 sem stóð uppúr að mínu mati.

Bjórarnir sem voru á krana:

(Allt prufubatch af viðkomandi bjórum)
1. Myrkvi
2. --- Man ekki
3. Lúðvík
4. Full of shit (taðreyktur)
5. Súper benni (Benedikt)
6. SMASH (10% cascade og pilsner)

Smökkuðum einnig surt 2013 og surt 2012 (8.1) sem var bruggaður ári og var geymdur í koníakstunnum í ár. 13% kvikindi.


Þetta var stórskemmtilegt, takk kærlega fyrir mig.

Var það ekki stekkjastaur sem var þarna nr 2

[bergrisi]

20130119_145204-1.jpg (60.72 KiB) Viewed 28582 times

Hér er listinn.

[æpíei]

Mjög áhuaverð og skemmtileg ferð. Ég er enn að læra sem bruggari og notaði því tækifærið til að spyrja ráða. Takk kærlega fyrir góð svör og margar áhugaverðar ábendingar um bruggtækni og græjur.

Það var gaman að smakka þessar frumútgáfur af bjórunum sem maður þekkir, reykti skíturinn var skemmtilegur og SMASHinn sömuleiðis. Surtur 8.1 stóð uppúr. Nú er bara að mæta snemma á föstudaginn í Ríkið og hafa með sér vænt búnt af þúsundköllum

Siggi

IMG_1705.jpg (116.06 KiB) Viewed 28553 times