Bjórglös Borg og aðrar pælingar

[EG&BT]

Sælir,
mig langar í svona fín bjórglös, svipuð þeim sem Borg Brugghús hafa verið með.
Veit einhver um slíkt.

Annars væri gaman að fá að vita hvaða glös mönnum líkar best við.
Ég hef verið að notast við Rosendahl 0,5L glös og finnst þau æði.



Því þynnri því betra

*EDIT
ágætis lesning um þetta mál
http://bjorspjall.is/bjor/bjorglos/?pfstyle=wp

[Idle]

Get ekki sagt að ég viti hvar svona glös fást, en ég nota ýmislegt. Fer bara eftir bjórstílnum hverskyns glas ég tek úr skápnum (og já, ég og uppþvottaburstinn erum góðir vinir).

[gugguson]

Flott glös.

Annars er ég hrifnastur af Mikkeler glösunum - myndi vilja kaupa slík glös án Mikkeler merkisins:

[bergrisi]

Ég nota aðalega svona túilipana glös, líkt og er á myndinni. Helst 50 cl þó svo ég fái mér lítinn bjór. Vill hafa pláss fyrir froðu. Fann nokkur svoleiðis í Europris sáluga.

Er reyndar svo heppinn að eiga eitt Borg bjórglas sem er líkt og Mikkeler glasið og það er eiginlega komið í uppáhald. Fágunarglösin eru líka á sínum stað.

Svo á ég eitt Trappist glas sem ég fékk á 10 kr. í Góða hirðinum. Nota það á belgíska bjóra.

[Silenus]

Stemmed Pilsner frá Spiegelau, klárlega eitt af mínum uppáhalds glösum. Bjórinn verður hreinlega betri í svona glasi. Keypti mín í Líf og List Smáralind.

[EG&BT]

Stemmed Pilsner frá Spiegelau, klárlega eitt af mínum uppáhalds glösum. Bjórinn verður hreinlega betri í svona glasi. Keypti mín í Líf og List Smáralind.

NICE einmitt það sem ég var að leita að... glösin skipta öllu í þessu.

[hrafnkell]

Delirium tremens glasið mitt er eiginlega í uppáhaldi... Nota það líklega mest af glösunum mínum.

[gr33n]

Mitt uppáhalds glas er einmitt Breugel glasið frá Borg. Hægt að fá það í gjafaversluninni hjá þeim.
Tekur rúma 40 cl og því nægt pláss fyrir froðu. Einnig er það fremur massívt og rosalega gott í hendi. Þægilegt að velgja bjórinn með því ef hann er of kaldur hjá manni.

[gunnarolis]

Ég fíla Mikkeller 0.5 lítra glasið nokkuð vel, en það, eins og Borg og Delirium Tremens glösin eru bara alltof alltof þykk IMO. Ég nota mest 0.3 lítra Mikkeller tasing glas eins og er á barnum hjá þeim, ég helli aldrei heilli flösku í glas í einu. Þessi Spiegelau glös líta fáránlega vel út, ef þau eru þunn, því þau eru virkilega flott í laginu.

Tengdó á Leonardo túlípana á fæti sem taka 0.5 lítra, mér finnst þeir oftast of stórir, en þau eru blaðþunn og ég fíla það mjög vel. Ef ég er að drekka pilsner eða aðra bjóra drekk ég stundum úr þeim.

Mér finnst mjög óþægilegt að vera með 0.5 lítra í glasi í einu, mér finnst bjórinn missa kolsýruna, hausinn er horfinn og ég get ekki "swirlað" bjórnum jafn vel upp til að losa lykt úr honum. Mér finnst líka glas á löngum fæti vera óþægilegt í meðförum og þungt ef það eru 0.5 lítrar í því í einu.

Djöfull er þetta nördaleg umræða samt...

[haukur_heidar]

ég er guði sé lof aðeins farinn að slaka á í þessu, safnið toppaði í 120 glösum.

drekk nánast allt úr Crate and Barrell stemless vínglasi



finnst Borg glasið ágætt, og sömuleiðis Spiegelau glasið. Nota samt belgísk glös fyrir belgana, þ.e. Westmalle glas, Chimay glas, Orval glas, Delirium Tremens glas, Duvel glas o.sv.frv.

Allir Mikkeller fara svo í Mikkeller glösin en þessi stemless vínglös eru ágæt fyrir alla stíla og þá sér í lagi ef ég á ekki glasið

[Gunnar Ingi]

Borgar glösin eru frá Durobor (http://www.durobor.com" onclick="window.open(this.href);return false;) og eru, eins og fyrr hefur komið fram Breughel glös.

Ég veit samt ekki hver er með umboðið fyrir það hér. Kannski Margt Smátt eða eitthvað slíkt merkingarfyrirtæki..