Oasis IPA

[olihelgi]

Ég lét verða af því og pantaði mér hráefni í næsta bjórinn minn. Þetta verður tilraun númer 2 hjá mér og ég ætla að gera aftur tilraun við að brugga uppáhalds bjórstílinn minn, India Pale Ale.

Kornið
1,5 kg light dry malt extract
0.250 kg Crystal 40L
0.125 kg CaraAmber Weyermann 25L

Humlarnir
60 min 20 gr Chinook
15 min 20 gr Amarillo
5 min 10 gr Amarillo
Þurrhumla 20 gr Amarillo

Gerið
Wyeast - American Ale 1056 XL

Annað
10 gr Irish moss

Þetta ætti að gefa mér 10 lítra af bjór og eins og glöggir lesendur hafa tekið eftir þá er þetta extract uppskrift en ég steep-a cara-crystal og cara-amber korninu til að fá lit, bragð og meiri fyllingu.

Ég er ekki alveg búinn að ákveða mig hvað ég ætla að nota mikið af korninu og ég held að ég komi til með að bæta aðeins við humlum. Samkvæmt hopville þá ætti þessi uppskrift að gefa mér um 60 IBU en þar sem að ég er humlahaus þá veit ég ekki hvort að ég stenst freistinguna á að bæta við meiri humlum.

Endilega látið mig vita hvað ykkur finnst um þessa uppskrift.

Óli Helgi.

[Stulli]

Þetta verður alveg örrugglega ljúffengur IPA.

Persónulega myndi ég bæta Amarillo líka útí virtinn í flameout, þeas ef að maður ætti nóg nóg til af þeim Mér finnst það gefa margslungna, fyllri og flókna lykt að humla 5min, 0min og dryhop.

[Eyvindur]

Lítur vel út. Ameríski IPAinn minn var einmitt í kringum 60 IBU. Mjög ljúffengur, en ég hefði ekkert haft á móti því að hafa meira ...

Annars verð ég að vera með tittlingaskít... Er cara-crystal ekki tvítekning? Caramel malt og crystal malt er sitthvort orðið yfir sama hlutinn... Er þetta rugl hjá mér, eða?

[andrimar]

Er cara-crystal ekki tvítekning? Caramel malt og crystal malt er sitthvort orðið yfir sama hlutinn... Er þetta rugl hjá mér, eða?

Skv minni takmmörkuðu þekkingu er CaraXXX != Caramel. Hins vegar er það rétt að oftast er talað um Caramel og Crystal malt sem það sama.

Edit: Dem, stundum verður maður að hætta í vinnunni. "!=" þýðir "ekki sama og" fyrir þá sem hafa ekki forritað...afsakið

[Andri]

Afhverju fæ ég alltaf vatn í munninn þegar ég les yfir uppskriftir af ipa *slef*

[Eyvindur]

Cara er stytting á Caramel. Þannig er Carapils caramel útgáfa af pilsner malti, Caramunich af munich malti o.s.frv. Þetta eru allt bara vöruheiti yfir mismunandi gerðir af caramel malti, en caramel og crystal eru samheiti. Ég var bara að velta fyrir mér hvort eitthvað væri til sem heitir cara-crystal, eða hvort að það væri einhver smá ruglingur...

[Eyvindur]

Til glöggvunar er hér ágætis grein um caramel/caraXXX/crystal malt, og hvað þetta er nú allt saman: http://byo.com/stories/article/indices/ ... araq-malts

[andrimar]

Frábær grein. Alltaf fengið þær upplýsingar e-n veginn að CaraXXX væri vörumerki sem ætti ekkert skylt við Caramel og Crystal. Takk fyrir þetta!

[Eyvindur]

Það er bæði rétt og rangt... CaraXXX eru vissulega vörumerki, en um leið eru þetta mismunandi afbrigði af caramel/crystal malti. Special B er til dæmis mjög dökkt crystal malt, en það er líka það sama og CaraAroma held ég... Bara mismunandi fyrirtæki.

[olihelgi]

Takk fyrir svörin.

Stulli, ég kaupi inn 100 gr af Chinook og 100 gr af Amarillo. Þannig að ég hef nóg afgangs og hver veit nema ég bæti töluvert af humlum við uppskriftina.

Varðandi caraXXX og crystal þá var ég ekki viss. Ég hef yfirleitt séð bara crystal 40L en á dönsku síðunni sem ég keypti vörurnar mínar, http://www.brygladen.dk, þá stóð cara-crystal. En þegar ég keypti það upprunalega þá hét það crystal 40L enda var það í USA, http://www.morebeer.com.

Þetta verður spennandi, djöfull er gaman að brugga bjór!

[Eyvindur]

Já, ég hef alltaf séð talað um Crystal 40°L í Bandaríkjunum. Þetta er örugglega einhver misskilningur hjá Dananum...

Ekki það að þetta breyti miklu, nema kannski ef einhver ætlar að gera sömu uppskrift og lendir svo í vandræðum með að finna cara-crystal...

[Stulli]

Gróflega er þetta svona (en með undantekningum)

Caramel malt - framleitt í BNA
Crystal malt - framleitt í UK
CaraXXX - framleitt í Þýskalandi

Gróflega er þetta í rauninni allt framleitt með sömu aðferð, að "meskja" blautt (grænt) malt til þess að umbreyta sterkjunum og karamelísera þær síðan með því að rista og þurrka.