Bjórgerðar smíði okkar feðga

[Feðgar]

Sæl öll sömul.
Mig langar til að sýna ykkur hvað við feðgarnir erum búnir að vera að bralla í skúrnum.
Það skal tekið fram að hann faðir minn á allann heiðurinn af þessari smíð, hugsunin er hans og handverkið er hans.
Ég hef meira verið að pæla í uppskriftum og efnafræðinni á bak við bjórgerðina og svo höfum við prófað og þróað búnaðinn út frá því.

Þetta er sem sagt 60 lítra plast tunna með 4 hitaelementum, kælispíral og síu.
Annað slöngu úrtakið er beint út úr botninum en hitt er úr síunni.
Þarna sést einnig hitastýringin og hringrásardælan.

Hérna er innri tunnan sem heldur korninu.
Mótorinn er rúðuþurrku mótor, honum er einfaldlega rennt upp á öxulinn og krækt í tunnuna svo það er auðveldlega hægt að fjarlægja hann við þrif og annað.

Efri spaðinn er búinn að taka nokkrum breytingum og það er ekkert út séð með það hvort honum verði ekki breytt enn frekar og jafnvel skipt út fyrir einhvað annað
Neðri blaðið lyftir og snýr virtinni yfir 2 mm. gataplötu.

[Feðgar]

Neðan við gataplötuna er þessi spaði en hann snýst einnig til að skapa hreyfingu við hitaelementin og koma í veg fyrir að virtin brenni við, hann kemur einnig í veg fyrir að of mikið af korni setjist á botninn.

Hér sést ofan í ytri tunnuna.
Þarna er að vísu bara 3 ef þeim 4 hitaelementum sem eru í dag.
Barkinn í botninum er sían og kopar rörin ná að kæla virtina frá suðu niður í 15 gráður á rétt rúmum hálftíma.
Opið hægra megin í tunnunni er inntakið fyrir hringrásina, en hringrásar rörið sést einmitt þarna vinstra megin.

Hérna sést innri tunnan á sínum stað án mótors.

Þarna erum við að Dough-In eða mýkja kornið fyrir meskjun.

[Feðgar]

Þarna stendur hann faðir minn með stjórntækin að rafmagns spilinu sem við notum til að hækka upp og lyfta innri tunnunni.

Þarna erum við að dæla virtinni upp á kornið eftir að hafa stöðvað spaðana. Það er gert til að nota korn kökuna sem myndast ofan á gataplötunni til að sía fína efnið frá vökvanum. Hann Hrafnkell okkar hérna á spjallinu á heiðurinn af þeirri hugmynd, takk fyrir það.

Svona lítur þetta svo út áður en við fjarlægjum korn tunnuna og byrjum að sjóða.

Endilega segið okkur hvað ykkur finnst og spyrjið ef það er einhvað.

Fyrir hönd Feðga
Sonur

[danieljokuls]

Snilldar græja, gaman að sjá þetta allt í einum potti

[andrimar]

Mjög töff!

[Andri]

Brew in a bag Version 2.0

Þetta er fallegt hjá ykkur, karlinn er handlaginn.
Væri gaman ef faðir minn deildi þessu áhugamáli með mér

[hrafnkell]

Ég hef sagt ykkur það áður, en þetta er þrælsniðugt - ég bíð enn spenntur eftir að smakka bjórinn sem herlegheitin gera

[kristfin]

helvíti flott. til llukku með þetta

[kalli]

Flott smíði. Sniðugt að hafa kælispíralinn í tunnunni líka.

[Feðgar]

Kærar þakkir

Jæja þar sem frúin er með saumaklúbb í kvöld þá ætla ég (sonur) að eyða kvöldinu í skúrnum hjá kallinum. Við ætlum að flytja bjór yfir á secondary, byrja Lager gerjun á tvem öðrum, þvo ger og gera tilraun með flösku áfyllingu, það er sko nóg að gerast.

Kv. Sonur

[bjarkith]

Er að meta þetta all-in attitude.

[sigurdur]

Þetta er flott.

Til hamingju með allt þetta

[Feðgar]

Við settum inn myndir á erlent spjall og höfum verið að svara póstum þar.

Gaman að lesa hvað menn hafa um þetta að segja þarna úti.

Datt í hug að þið vilduð kíkja á umræðuna og kannski setja inn eina línu eða svo, já eða "Like" er það ekki aðal núna hehe

http://www.homebrewtalk.com/f51/my-new- ... ry-241691/" onclick="window.open(this.href);return false;