Tærari bjór ?

[raggi]

Þetta er nú bara hugdetta en hefur einhver hugmynd um það hvort að þessi græja gæti gert bjór tærari.

http://missouriwineandgift.com/cart/ind ... ductId=673" onclick="window.open(this.href);return false;

Kv
Raggi

[kristfin]

er þetta ekki bara lítill plötufilter. hann mun gera bjór miklu tærari, svona rétt eins og þegar hann er filteraður í brugghúsi.

fyrir okkur heimalagarana þá er matarlímið einfaldasti og besti kostuinn held ég.

[anton]

Taka líka ekki svona kísil filterar mestallt/allt gerið úr bjórnum þannig að þeir sem hafa hug á að framkalla náttúrulega kolsíru í flöskunum þurfa þá að bæta aftur við geri?

[sigurdur]

Taka líka ekki svona kísil filterar mestallt/allt gerið úr bjórnum þannig að þeir sem hafa hug á að framkalla náttúrulega kolsíru í flöskunum þurfa þá að bæta aftur við geri?

Það fer eftir hversu þétt sían er. Grófari síur hleypa eitthvað af gerinu í gegn.

[Eyvindur]

Það þarf að laga uppskriftirnar svolítið til ef maður notar filter, þar sem þær breyta bragðinu af bjórnum. Þetta þekkja þeir sem hafa smakkað ósíaða bjóra í Ölvisholti af eigin raun.

Ég myndi segja að hröð kæling, góð gerjun, smá lagering ef hægt er og möguleg matarlím séu bestu kostirnir.

[gosi]

Tekur matarlímið ekki gerið frá leginum?
Hvað er notað mikið af matarlími til að tæra bjórinn?

[Sleipnir]

Hvar getur maður séð aðferðina við að nota matarlím til að tæra?

[valurkris]

Hérna
http://fagun.is/viewtopic.php?f=2&t=400 ... lat%C3%ADn" onclick="window.open(this.href);return false;

Gelatín=Matarlím

[raggi]

Ég var í Ámunni um dagin og spurði afgreiðslumanninn hvort hægt væri að nota gelatín eins og notað er við hvítvínsgerð til að gera bjór tærari. Hann sagði að við að nota gelatín þá fella gerlarnir einnig til botns þannig að bjórinn verður flatur á flöskum.
Á þessi gelatín aðferð þá eingöngu við þegar bjór er settur á kúta.?

[valurkris]

Ég og fleiri hafa notað þessa aðfer og sett á flöskur með góðun árangri. Það gæti sammt tekið aðeins lengri tíma að ná upp kolsýru

[gunnarolis]

Þú ert aldrei nokkurntímann að fara að ná að fella allt gerið út úr bjórnum með þessari gelatín aðferð, það verður alltaf nóg ger eftir til þess að kolsýra bjórinn. Þessir ámukappar eru ekkert sérstaklega lesnir eða sjóaðir í bjórgerð hefur mér fundist af samskiptum við þá.

[hrafnkell]

Ég ætlaði einmitt að fara að segja það sama og Gunnar. Áman er ekki alveg rétti staðurinn til að leita sér upplýsinga um bjórgerð.

[Eyvindur]

Ef þú hefur áhyggjur geturðu alltaf bætt meira geri við áður en þú tappar á flöskur. Þú átt að geta fundið viðmiðun einhversstaðar yfir það hvað þú ættir þá að setja mikið (yfirleitt talið í milljónum fruma á millilítra), en ég held að 1/3 úr þurrgerspakka væri passlegur. En eins og hefur komið fram ætti þetta ekki að vera vandamál í miðlungsstórum bjór, kannski aðeins lengri tími. Ég myndi samt pottþétt bæta við geri ef um stóran bjór væri að ræða, eða ef hann hefði verið mjög lengi í þroskun. En það er svosem góð hugmynd hvort sem gelatín er í spilinu eða ekki.

Og já, tek undir þetta með Ámuna - þeir þekkja því miður ekki nógu vel til í bjórgerð, sem er synd.