Ég ákvað að skrifa hérna nákvæmlega hvernig ég geri þetta frá A-Ö. Þetta er samtvinningur af því sem ég hef lesið mér til og séð á netinu.
Ég er með svona heimagert flöskutré (ég ætti eiginlega að pósta mynda af því) sem tekur 60 flöskur.
Svo á ég nokkra bjórkassa úr plasti.
Ég nota 60L síldartunnu tunnu, legg flöskur í 5+ daga í klórvatn í tunnuna og loka vel.
Geri það þannig að ég byrja á að setja bara volgt vatn í tunnuna, og fylli flöskurnar af vatni og set þær ofan í. Að lokum set ég klórin ofan í og loka og hristi og velti tunnunni. Passa að láta fljóta vel yfir allt!!
Ef flöskurnar eru með miða, þá finnst mér best að rífa þá af áður en ég smelli þeim því klórin sér svo um að leysa upp límið svo hægt er að skrúbba það af með svona svampi. Vill benda á að sumar flöskur eiga bara heima í endurvinnslunni eða með miðanum á miða. Mér hefur þótt passlegt að hafa þær í 2 vikur til að ná sem bestum árangri með límið.
Flöskur með miðum úr pappír (la trappe o.fl.) sem ekki eru ál/plasthúðaðar þarf ekki að eiga við, klórvatnið fer í gegnum miðan og leysir hann af á þessum dagafjölda
Ef þær eru miðalausar og verið notaðar aftur má hafa þær í styttri tíma í klórnum, 1 dag örugglega nóg til að éta upp allt lífrænt.
Skrúbba þær svo og helli klórvatninu úr og raða í bjórplastkassana með stútinn upp.
Styrkleiki klórlausnarinnar fer eðlilega eftir því hvað flöskurnar eru óhreinar!
-----
Eftir tiltekinn dagafjölda í klórlausninni.
:loop
Tek slöngu með volgu-heitu vatni og fylli
sný flöskunum við í kössunum og þær tæmast (stútur niður)
Sný flöskunum við aftur (stút upp)
loop 4-5 sinnum
Næ svona u.þ.b. 100 flöskum í tunnuna í einu.
Svo þurrka ég flöskurnar í 1-2 sólahring á flöskutréinu eða/og á hvolfi í björkössunum eftir því hvað ég er með mikið.
Ég pakka og reyni að flokka svo hreinu þurru flöskunum í poka ofan í pappakassa (sömu pokar/kassar og ég geymi bjórinn)
--- þetta að ofan get ég gert þegar ég er í stuði. En ég get líka skolaður út klórlausninni þann dag sem ég er að fara að fylla á.
Það tekur mig svona 1,5 klst að rífa miða af 100 flöskum, m.v. að hluti þeirra sé með pappírsmiðum, 1 klst af skrúbba lím af og svona 1klst að skola 4x. Þannig að miðalausarflöskur er mun fljótlegra að þrífa, duh...
Áfyllingardagur.
Síð sykurvatn og set í kalt bað í lokuðum potti til að ná stofuhita.
Raða í bjórkassana með stútinn upp rúmlega þeim fjölda flaskna sem ég þarf (3 kassar u.þ.b. 75)
Fylli flöskur með heitu vatni og skola yfir kassana vel.
Sný við og tæmi.
Sný við og stútinn upp.
Fylli með joðófór skolfrí-lausn allar flöskurnar upp í topp og úða yfir stútana
Smelli áætluðum fjölda tappa í box með skolfri-joðófór lausn.
Nú geymi eg flöskurnar og tappana svona meðan ég hiverta bjórnum í sótthreinsaða áfyllingarfötuna yfir kælt sykurvatnið.
Hef lok á áfyllingarfötunni, sem er með krana og litlu gati á lokinu þar sem ég er með filter yfir (grisju) svo örugglega ekkert getið fallið ofaní.
Tæmi svo joðófór úr flöskunum á einum kassanum (24stk). Það passar að taka tvær flöskur upp í einu, helli yfir hálsinn og stútinn á hvor annari og tæmi alveg, hristi þær á hvolfi, held bara um hálsinn.
Set flöskuna, nú vel sótthreinsaðar, aftur í bjórkassan, með stútinn upp
Fylli svo á þessar 24 sótthreinsuðu ofan í bjórkassanum.
Ef ég er með aðstoðarmann tekur hann þennan bjórkassa uppá borð og smellir töppum á flöskurnar í áfyllingarröð meðan ég endurtek næsta kassa - ananrs tappa ég og fer svo í næsta kassa...
Set átappaðan bjórinn í pappakassana með plastpokunum og svona "sixpack holder" undan skjálfta og set í pappakassan og ofan í plastpokanum og raða flöskunum í jafnóðum. Þá er bjórinn í poka, ef eitthvað skildi leka, og í brúnum pappakassa sem heldur aðeins aftur af hitaflökti og blokkerar dagsbirtuna
Svo er það erfiðasta eftir. Bíða.
Og svo það skemmtilegasta, í lokin
-- n.b. þetta er örugglega ekki eina rétta leiðin og eflaust hægt að betrumbæta, en fyrir mér er nr1 priority að hafa allt hreint og sótthreinsað og tilbúið svo að áfyllingarferlið sjálft taki sem skemmstan tíma. Því er gott að hafa aðstoðarmann á tappavélinni.