Lakkrísrót

[ulfar]

Hefur einhver notað lakkrísrót í bjór?

kv. Úlfar

[Idle]

Já, í fyrsta státinn minn. Sá kom mjög vel út, nema lakkrísinn skilaði sér ekki nógu vel. Hefði líklega þurft að nota meira af honum.

[gunnarolis]

Ég hef ekki gert það ennþá, en hef hug á að gera það.
Ef þú átt ekki lakkrísrót, þá sá ég að hún er til í tiger á 300kr. Veglegur poki með 5 góðum stöngum í.

[Idle]

Einmitt. Pantaði mína frá morebeer.com, og nokkrum vikum síðar sá ég hana í Tiger. En eftir því sem ég hef lesið mér til, þá er gamli apótekaralakkrísinn alls ekki síðri en rótin.

[ulfar]

Hvað notaðir þú mikið Idle?

[Idle]

14 gr. í 20 mínútur fyrir 18 lítra.

[sigurdur]

Mulin rót eða heil?

[Braumeister]

Ég er búinn að vera að spá í þessu undanfarið. Mig langar til að prófa lakkrís í Alt-uppskrift sem ég hef gert (CYBI).

[Idle]

Mulin rót eða heil?

Hvorki mulin né heil, heldur meira eins og hún hafi verið rifin niður í flísar.

[Braumeister]

Ég er búinn að vera að spá í þessu undanfarið. Mig langar til að prófa lakkrís í Alt-uppskrift sem ég hef gert (CYBI).

Ég sló til. Ein verstu mistökin hingað til. Ég vildi ekki stefna öllum 50 lítrunum í voða þannig að ég henti 20 grömmum ofan í aðra fötuna eftir að ég var búinn að fleyta í hana (ég kæli yfir nótt). Hefði átt að setja þetta í sigti eða reyna að ná þessu með öðru móti úr bjórnum fyrir gerjun.

Bjórinn fór á flöskur fyrir viku og er viðurstyggð. Gæti skánað. En það versta er að ég ruglaðist á fötum þegar ég tappaði á þannig að tók þann lakkrísaði fyrst og fleytti svo ólakkrísaða bjórunum ofan á leyfarnar af hinum í átöppunarfötuna. Ólakkrísaði klikkaði því líka...

[kristfin]

þegar rignir þá hellirignir