Viking Jólabjór

[OmarG]

Sælir, var beðinn að pósta þessu hérna fyrir áhugasama:

VÍKING JÓLABJÓR 20 ÁRA

Víking jólabjórinn er nú bruggaður í 20 skiptið og er orðinn órjúfanlegur partur af jólahaldi Íslendinga, enda verið vinsælasti jólabjór á Íslandi undanfarin ár.

Bruggun Víking jólabjórs tekur lengri tíma en þegar um venjulegan lagerbjór er að ræða. Þykir við hæfi að nostra sérstaklega við þennan hátíðabjór sem aðeins er seldur í stuttan tíma. Karamellumalt er notað í jólabjórinn, sem gefur honum dekkri lit og keim af brenndum sykri, kaffi og karamellu. Þá er það einnig afar sérstakt við framleiðslu jólabjórsins að hann er látinn eftirgerjast við lágt hitastig þegar aðalgerjuninni er lokið. Þessi vinnsluaðferð gefur jólabjórnum þétt og mjúkt bragð, mikla fyllingu og góða froðu.Hann hentar vel með mat og því tilvalinn í veisluna og á hlaðborðið. Bruggmeistari jólabjórsins er sem fyrr Baldur Kárason.

Víking jólabjórinn var kynntur fyrsta föstudaginn í nóvember á veitingamarkaði en sala hefst í vínbúðum þriðja fimmtudag í nóvember.

Bjórinn kemur í 33cl flöskum , 33cl og 50cl dósum og kútum fyrir veitingastaði.


Nánari upplýsingar:
Hreiðar Þór Jónsson
Markaðsstjóri áfengis
hreidar@vifilfell.is / 660 2679

[kristfin]

ég smakkaði þennan í vikunni.

mjúk og sæt humlalykt. bjórinn er mildur og sætur með fína fyllingu.

mér fannst vanta smá jól og meira bragði. en góður hreinn lager.

þeir mega hinsvegar eiga hjá víking, að þeir eru með bockinn líka, sem dekkar allt sem vantar í þennan

[gunnarolis]

Bockinn er það sem Víking Jólabjórinn var áður en markaðsdeildin komst í hann.

[BeerMeph]

Fékk mér Viking jólabjór á krana um daginn, var ekki að fýla hann.

Bjóst við mun meiri fyllingu og mér fannst vera of mikil beiskja fyrir jólabjór.
Karamellukarakterinn var samt greinilegur.

Væri alveg sáttur ef stóru brugghúsin myndu koma einu sinni með eitthvað gott jólaALE

[halldor]

ég smakkaði þennan í vikunni.

mjúk og sæt humlalykt. bjórinn er mildur og sætur með fína fyllingu.

mér fannst vanta smá jól og meira bragði. en góður hreinn lager.

þeir mega hinsvegar eiga hjá víking, að þeir eru með bockinn líka, sem dekkar allt sem vantar í þennan

Er bockinn kominn í hillur?
Ég er spenntur að smakka hann

[kristfin]

við smökkuðum hann fyrir fréttatímann. veit ekki hvar þeir fengu hann

[valurkris]

Hann er kominn í hilluna í Heiðrúnu

[arnarb]

Jólabjórinn er kominn í hillur vínbúðanna. Það vantar þó jólabjórinn frá Ölvisholti sem kemur væntanlega í næstu viku.

Tek undir fyrri athugasemdir um Víking jólabjórinn. Bockinn er mjög góður jólabjór með character og passar vel við bragðmikinn jólamat.