Byrjendanámskeið?

[valurkris]

Ég vil þakka fyrir mig, þetta var bráðskemmtilegt og fróðlegt, hlakka til að koma eftir tvær vikur og tappa á og enn meira að smakka svo

Kv. Valur K.

[ulfar]

Það sem var gert

Uppskrift
9 kg Pale Ale malt (grunnur)
1 kg CaraPils (fylling og froða)
0.6 kg CaraMunich (fylling, litur)
0.2 kg Carafa III Special (litur, bragð)
Alls 10.8 kg

Mesking:
ca. 2.5 ltr af vatni á kg af korni.
25 ltr 74 gráður heitu vatni blandað við kornið til að ná 67 gráðu hita á blöndunni.
Látið standa í 60 min, hækkað upp í 70 þegar 15 eftir (ekki algjörlega nauðsynlegt).
Hellt í skolboxið (kælibox með fölskum botni) og látið standa í 15 min.
3-4 ltr látnir renna úr skolboxinu og helt aftur ofaní.
Tæpir 50 ltr af 80 gráðu heitu vatni látnir renna í gegnum kornið til þess að ná
öllum sykrinum úr.
Talan 50 var fundin út á eftirfarandi máta
25 ltr var blandað saman við kornið
10 ltr verða eftir í korninu (ca 1 ltr á kg af korni)
12 ltr gufa upp í suðunni (mjög mikið, venjulega gufa 2 ltr í venjulegum potti)
54 ltr áttu að verða eftir í pottinum
Þetta gefur að 54+12-(25-15) ca jafnt og 50
Virtur (sykur vatnið sem kom af korninu) soðinn í 60 mín
45 gr simcoe 60 min
60 gr willamette 15 min
50 gr willamette 0 min
40 gr cascade 0 min
Kælt niður í 24 og ger sett útí.
Beðið í 5 min og hrist í tvær (hrista virtinn þannig að súrefni blandist við hann)
Alls var 48 ltr (en ekki 54 safnað, líklegast skekkja í skolvatnsmælingum)
OG 1.06 sem var hærra en við höfðum ákveðið. Völdum að bæta ekki vatni útí.

Svo er það bara að bíða í ca 2 vikur og tappa svo.

kv. Úlfar

[Eyvindur]

Svona fyrir forvitnis sakir, þar sem ég skoðaði uppskriftina ekki mjög nákvæmlega í morgun, eftir hvaða OG vorum við að sælast?

[Hjalti]

Hljómar ótrúlega næs....

Hverjir mættu á kennslustundina?

[Eyvindur]

Það er kannski ekki úr vegi að benda á að hæglega má aðlaga þessa uppskrift þannig að maður noti eingöngu humla frá ÖB líka. Það væri hægt að skipta Simcoe út fyrir First Gold og Willamette fyrir Fuggles eða East Kent Goldings. Það þyrfti eitthvað að breyta magninu, þarsem alfasýrustig þessara humla er ólíkt, en það er lítið mál með tilheyrandi reiknivél.

[Daði]

Sælir

Ég var upptekin síðast en væri mjög spenntur að fara á svona örnámskeið, er ekki markaður hérna fyrir því að halda annað svona einhverntíman í haust?

[Eyvindur]

Það hlýtur að vera. Ég er allavega alveg til í að endurtaka leikinn í haust. Úlfar?

[valurkris]

Jæja Úlfar, hvernig lítur þetta út hjá okkur, er ekki allt í góðum málum með bjórinn

[Eyjo]

Já, þetta var mikið stuð og mjög fróðlegt. Er ekki kominn tími til að fara henda þessu í flöskur?

[Eyvindur]

Heyrðu, jú. Við stefnum á fimmtudagskvöldið (s.s. annað kvöld). Hvernig hentar það ykkur?

[valurkris]

það henntar ágætlega fyrir mig ef að það er ekki of snemma um kveldið, kl hvað voruð þið að pæla

[Eyvindur]

21?

[valurkris]

það er flott fyrir mig

[Eyvindur]

Sláum því bara föstu. Klukkan níu í kvöld, á sama stað.

[snowflake]

Sælir

Rakst á þessan póst þegar ég var að renna í gegnum spjallið. Væri einhver möguleiki á svona aftur eða að fá að fylgjast með einhverjum þegar hann bruggar næst?

k.kv_halli

[sigurdur]

Án efa er hægt að fá að sjá bruggdag hjá mönnum.

Það þarf að stefna að því að koma með fleiri byrjendanámskeið aftur.

[snowflake]

Það væri hrein snilld ef hægt væri að koma því að

[hrafnkell]

Aldrei að vita nema ég reyni að vera með eitthvað brew.is byrjendanámskeið..

[snowflake]

Það væri flott. Jafnevel ef hægt væri að kaupa "kit" með efni í eina lögun svona auðvelda það væri snilld.

[Maddi]

Ég væri mjög spenntur að mæta á svona námskeið eins og um ræðir í þessum þræði.

[Eyvindur]

Úlfar, eigum við að endurtaka leikinn í vor eða sumar?

[Bjössi]

þó svo að ég sé búinn að brugga AG í um 2 ár
væri gaman að mæta, alltaf hægt að læra

[Belgur]

Ég hef áhuga á því að mæta á svona bruggdag, er að byrja í faginu. Búin að kaupa
græjur og stöffið í fyrstu lögun og er að mana mig upp í að byrja.

[dQor]

Er spenntur fyrir þessu, býst sterklega við að mæta ef þetta verður haldið aftur.