Sælir félagar.
Ég er 29 ára nýgræðingur í bjórgerð. Ég er tölvunarfræðingur, en vinn sem kokkur og hef gert undanfarin 10 ár eða svo. Fyrir nokkrum árum startaði ég mínum fyrsta súr og byrjaði súrdeigsbakstur. Allar götur síðan hef ég verið heltekinn af gerlum. Næsta rökrétta skref var auðvitað að byrja að brugga bjór, og nota það sem fellur til í brauðbakstur.
Ég lagði í minn fyrsta bjór um daginn, kitbjór frá Ámuni til að átta mig aðeins á ferlinu og hvar og hvernig best væri að fella þetta að umhverfinu hérna heima. Ég er hægt og sígandi að sanka að mér tækjum, tólum og þekkingu til þess að hefja "all grain" bruggun og samhliða því tilraunastarfsemi í brauðgerð.
Kv Toggi