Fágun

Sælir, nú koma oft sömu spurningarnar um hvernig eigi að búa sér til meskitunnu, kælispíral eða suðupott.

Ég fékk áhuga á bjórgerð fyrir nokkru síðan og ákvað að demba mér í þetta. Eftir að hafa hugsað málið í smá tíma, þá fékk ég góðan félaga minn með mér í lið og við höfðumst handa.

Planið var að búa til flestan búnað sjálfir, og þá spratt fljótlega upp sú hugmynd að mynda allt ferlið og búa til einhvers konar leiðbeiningar til að setja hérna á spjallið fyrir aðra sem eru að byrja í þessu.

Ég reyndi að hafa þetta eins einfalt og hægt væri, og ná sem bestum myndum af herlegheitunum í leiðinni.

Þessar leiðbeiningar skiptast í 3 hluta:

1. Suðutunna.
2. Meskitunna.
3. Kælispírall.


Þetta verða frekar margar myndir, 56 talsins. Ég minnkaði þær, þannig að allar myndirnar saman eru ekki nema um 6,6 MB.

Þetta er aðeins ein leið af ótal mörgum til að gera þessa hluti og við erum langt frá því að vera einhverjir sérfræðingar um þessi mál. Þessvegna eru allar ábendingar/leiðréttingar kærkomnar og ég vona að það skapist lærdómsrík umræða í kringum þennan þráð þannig að sem flestir græði.

En án frekari tafa, þá byrja hér leiðbeiningarnar!



1. Suðutunna.

Planið var að búa til ágætlega stóran suðupott, þannig að hægt sé að sjóða stærri lagnir í framtíðinni.

Vörulisti:

1. 60L plast-tunna frá Saltkaup.
2. Þrír hraðsuðukatlar keyptir í Elko.

Verkfæri/áhöld:

1. Dósabor.
2. Skrúfjárn.
3. Sandpappír.


60L tunnan.


Einn suðuketillinn, opnaður og þessar þrjár skrúfur skrúfaðar upp.


Þetta er það sem við viljum úr katlinum: svarta unit-ið, sílíkon þéttingin og elementið.


Gatið borað með 38mm dósabor.


Gatið komið.


Gatið pússað til með sandpappír.


Sílíkon-þéttingin komin í.


Svarta unit-ið skrúfað í, elementinu eru auðvitað haldið innan á tunnunni og þetta skrúfað saman.


Fyrsta elementið komið í.


Fyrsta.


Annað.


Þriðja.


Prófað að sjóða. Nýbúið að kveikja á þeim.


Nokkrar mínútur liðnar.


Bullandi suða. Vatnið var 12° heitt, tók sirca 45 mínútur að ná suðu í 40 lítrum.

Sílíkon-þéttingarnar virka fullkomlega, það lekur ekki dropi.


Suðutunnu er nú lokið, næst: Meskitunna!

Frábært framtak! Hlakka til framhaldsins

2. Meskitunna.

Margir nota kælibox fyrir meskitunnu og það var líka upprunaleg ætlun okkar. En á endanum var ákveðið að nota eins tunnu og notuð var fyrir suðupott, þ.e. 60L tunnu frá Saltkaup.

Vörulisti:
1. 60L plast-tunna frá Saltkaup.
2. 2m af cPVC röri frá Loft.is
3. 4x 90° cPCV hné frá Loft.is
4. 3x “T” cPCV stykki frá Loft.is
5. Heavy duty ál-pappír frá Bónus.
6. Ál-límband úr Byko.
7. “O” hringur úr Byko
8. Krani úr Byko.
9. Fitting fyrir kranann úr Byko.
10. Einangrunar-ull.
11. Einangrunar-net (ekki nauðsynlegt)

Verkfæri/áhöld:

1. Slípirokkur.
2. 20mm bor.
3. 2mm bor.
4. Málningar-límband (ekki nauðsynlegt)
5. Dúkahnífur.
6. Sandpappír.
7. Penni. (ekki nauðsynlegt)


Grindin sem fer neðst í meskitunnuna.


Samansett. Ætluðum að hafa svona "X" stykki í miðjunni en það eru ekki til "X" stykki hjá Loft.is


Merktum punkta á málningar-teip sem við boruðum svo eftir með 2mm bor. Smá fullkomnunar-árátta hér á ferð.


Teipið komið á einn röra-bútinn.


Búið að bora.


Grindin tilbúin.


Næst setjum við kranann á tunnuna. Og síðast er einangrað.


Kraninn, fitting og "O" hringur.


Merktum fyrir gatinu.


Gatið borað.


Gatið komið, muna að snyrta þetta til með sandpappír.


"O" hringurinn kominn á kranann.


Kraninn kominn í.


Og búið að herða.


Lekapróf, lak ekki dropi.


Næst er einangrað.


Ullinni vafið utan um tunnuna.


Ullin komin á.


Netið utan um ullina, ekki nauðsynlegt en skaðar ekki að eiga svona.


Netið skorið.


Sett utan um tunnuna.


Smá álpappír kominn á.


Gengið frá netinu.


Meiri álpappír.


Efri hlutinn tilbúinn.


Botninn á tunnunni, má ekki gleyma að einangra hann líka.


Álpappír kominn á.


Tunnan tilbúin, nú er bara að einangra lokið.


Byrjað á því að setja álpappír á þetta.


Álpappír kominn í gatið.


Einangrun skorin út fyrir lokið.


Einangrun skorin út fyrir hringinn.


Teipað á og límt með ál-límbandinu.


Lokið tilbúið og hægt að skrúfa það á tunnuna.

Þá er meskitunnunni lokið. Gerðum mjög óvísindalega tilraun með hitatap, sýnist eins og við misstum 2-3 gráður á klukkutíma, en vill þó ekki trúa því. Þurfum að gera aðra tilraun með digital mæli.

3. Kælispírall.

Við vildum ágætlega öflugan kælispíral þannig að það tæki ekki of langan tíma að kæla virtinn niður.

Vörulisti:

1. 10m af mjúku koparröri, 10mm. Keypt af http://www.gesala.is" onclick="window.open(this.href);return false;
2. Glær slanga frá Húsasmiðjunni, 10mm innanmál, 16mm utanmál, passar akkúrat á koparinn í þrengra lagi.
3. Nokkrar hosuklemmur.

Verkfæri/áhöld:

1. Eitthvað rör sem hægt er að móta koparinn eftir.
2. Skrúfjárn til að herða hosuklemmurnar.


Mótunar-rörið okkar, koparinn og slanga.


Byrjað að móta. Stungum endanum á koparnum ofan í rörið, gerðum beygju og byrjuðum svo að móta.


Búið að móta spíralinn.


Spírallinn tilbúinn, búið að setja slöngurnar á og hosuklemmur til þess að herða.


Þetta var nógu þröngt á þannig að það lak ekki dropi.


Jæja, þá er þessu lokið. Vona að menn geti lært eitthvað á þessu.

Glæsilegt. Legg til að einhver setji þetta í sticky.

þetta er þrælflott hjá ykkur. good stuff

Mjög falleg vinna. Skál fyrir ykkur

Flott tutorial.
Hvað er hvert hitaelement mörg vött hjá ykkur?

Eitt 2200w og hin tvö eru 2000w minnir mig. Skal kíkja á þetta, breyti svarinu ef þetta er vitlaust hjá mér =)

Til að fullkomna kælispíralinn þá er hægt að fara á kælivélaverkstæði eins og Ísfrost eða Frostverk og láta kóna endana fyrir sig, þá er hægt að nota hvaða slöngu sem er og hosuklemmu með henni.

Flott stöff hjá ykkur.

Ég fór í Saltkaup í dag og keypti mér eina 60 lítra tunnu, og eina 30 lítra. 60 lítra tunna kostar í dag, 4.000 kr. m/vsk. 30 lítra tunnan er á 3.000 kr.

Því næst brá ég mér í Rúmfatalagerinn og keypti þar þrjá 2200W hraðsuðukatla á tæpar 2.500 kr. stykkið.

Lengra er ég ekki kominn í suðutunnugerðinni í bili.

Halló.

Ég ætla að gera suðutunnu og á eina góða og þykka sem er úr HDPE en tunnurnar úr Saltkaup sem þið eruð að nota trúlega PP, eða hvað?
Mér skilst að HDPE 2 sé best fyrir matvælaiðnaðinn, þessi er lituð blá ekki glær eða hvít einsog mjólkurbrúsar, spurning hvort það breyti einhverju sérstaklega að því það verður soðið í henni.

Kv.
Sigurður

Sleipnir wrote:Halló.

Ég ætla að gera suðutunnu og á eina góða og þykka sem er úr HDPE en tunnurnar úr Saltkaup sem þið eruð að nota trúlega PP, eða hvað?
Mér skilst að HDPE 2 sé best fyrir matvælaiðnaðinn, þessi er lituð blá ekki glær eða hvít einsog mjólkurbrúsar, spurning hvort það breyti einhverju sérstaklega að því það verður soðið í henni.

Kv.
Sigurður

Bara betra, ef ég skil þetta rétt. Sjá HDPE á Wikipedia

Ég er með 2 HDPE tunnur sem virka mjög vel.

Sæll.

Flott námskeið.
Ein spurning því ég er rafmagnsfáviti, hvernig tengir þú klónna úr katlinum við innstunguna?

Kv.
S.

Þú getur notað sama tengi og er notað til að tengja borðtölvur við rafmagn. Ég veit ekki hvað það heitir en svoleiðis snúrur fást t.d. í íhlutum.

Sleipnir wrote:Sæll.

Flott námskeið.
Ein spurning því ég er rafmagnsfáviti, hvernig tengir þú klónna úr katlinum við innstunguna?

Kv.
S.

Eins og Hrafnkell segir, þetta er venjulegur tölvukapall. Flestir meðal-nördar eiga nokkra svona grafna einhversstaðar =)

Ok.

Þegar þið nefnið það, ég á haug af þessu.

Takk.
Hafið þið pælt í því að setja vatnshæðarmæli utaná kútinn, t.d. tvö hné með glæri slöngu á milli?

Það eru einhverjir með svoleiðis. Gæji á homebrewtalk sem heitir BobbyM er að selja þetta í einhverju mini companyi sem hann heldur úti...

Ef þú finnur einfalda og ódýra leið til að gera þetta með íslenskum íhlutum þá máttu láta mig vita. Mig hefur langað að föndra mér svona í dálítinn tíma.

Ég keypti mér hæðarmæli frá BobbyM, kostaði ekkert mikið (undir 5 þúsund hingað komið að mig minnir).
http://www.brewhardware.com/" onclick="window.open(this.href);return false;

eitt sem að ég vil benda á sambandi við kælispíralinn er að þú tapar rosalega niður nýtninni ef að rörin liggja saman besta nýtni á móti hæð er að hafa c.a. 20mm á milli röra

noname wrote:eitt sem að ég vil benda á sambandi við kælispíralinn er að þú tapar rosalega niður nýtninni ef að rörin liggja saman besta nýtni á móti hæð er að hafa c.a. 20mm á milli röra

Sniðugt.. ertu með hlekk á fulla grein um þetta?

Haaa....???
Nýting hefur ekkert að gera með rörabil

Bjössi wrote:Haaa....???
Nýting hefur ekkert að gera með rörabil

Hann er að tala um nýtni á kælispíral.

hehmmm...jamm
sé/fatta núna