Ég hef verið að fikta við nokkrar útfærslur, ég er svo nýbyrjaður að það er ekkert orðið tilbúið ennþá, svo ég veit ekki hvernig þetta mun smakkast.
Aðferðinnni er lýst mjög vel hérna, óþarfi að gera það aftur:
http://www.rickandlynne.com/cheese/process/index.html
En uppskriftin sem ég hef verið að prófa er ca. svona:
Hita 8 lítra af mjól upp í 30 gráður (kjörhitastig AB gerlanna), 8 lítrar er bara það sem get gert með því að setja næststærsta pottinn minn í vatnsbað í þeim stærsta.
Hálfum lítra af AB mjólk hellt út í og kynnt aðeins undir til að fá 30 gráður aftur, látið standa undir loki í 20 mín til að fá gerilinn af stað.
Ef hitinn hefur eitthvað fallið (ólíklegt) kyndið upp í 30 gráður aftur (kjörhitastig hleypisins líka) og setjið hleypinn út í (oftast einn dropi í lítra)
Látið standa aftur undir loki þar til mjólkin er hlaupin (skoða með hníf hvort skurðurinn sé hreinn, getur tekið allt frá 20 60 mín.), þegar hún er hlaupin er draflinn skorinn og hrærður (sjá myndböndin að ofan)
Hitað uppí 38 gráður, 2,5 lítrar af mysunni tekið frá og jafn mikið af 38 gráða heitu vatni bætt útí, hrært ca. 20-30 mínútur.
Eftir þetta er allri mysunni tappað af, ég nota sigti ofan í pottinn og garðslöngubút til að sjúga hana upp úr pottinum.
Síðan er draflinn settur í pressu, í mínu tilviki, bleijuklútar og Ikea pasasigti, fyrst undir 7kg fargi í klukkutíma (snúið 4 sinnum), síðan 15kg í 6 tíma, pæklað í mettum pækli í 18 tíma.
Lagerað í 14 gráðum og 90% raka í 3 daga, þá vaxaður og aftur í lager, sama hita og rakastig í 2 mánuði plús..
Eftir ca. mánuð kemst ég að því hvort þetta er að virka vel eða ekki
Endilega skoðið myndböndin að ofan, það er ferlinu lýst mjög vel.