Fágun

Bara svona til að henda fram smá umræðu, eru fleiri hér sem hafa verið að dunda sér við að hanna miða fyrir heimilisiðnaðinn hjá sér? Kannski er þetta bara ég, í gömlu húsi með lélegum símalínum, svo nettengingin er frekar shaky, og í þokkabót of handóður til að geta sest fyrir framan imbann ef drepa þarf tíma, en mér finnst gaman að smá Photoshopfikti, þótt maður sé ekkert að prenta þetta út og líma á flöskurnar nema rétt til að eiga eitt eintak til að sýna og dást að, og mögulega ef maður er að gefa e-m flösku, enda væri það bara óþarfa vinna bæði við föndrið og þrifin ef allar væru eitthvað vandlega skreyttar...

En nóg af blaðri, þessi þráður á að snúast um flöskumiða:

Hópmynd af því sem komið er á flöskur, Chianti, eplavín, eplafreyðivín. Já ég veit ég gleymdi að þrífa stálið á gufugleypinum fyrir myndatöku

Röndin á rauðvínsmiðanum þjónar miklum tilgangi, kemur til með að skipta um lit eftir því hvaða þrúga er í flöskunni. Myndin finnst mér líka stórskemmtileg, tekin í kjölfar einhvers þökulagningargjörnings hjá nágrönnum mínum, og gefur götunni eiliítið meginlands-sveitaþorpslúkk sem passar ágætlega við innihald flöskunnar:


Þar sem eplavínið er að þýskri fyrirmynd, kom aldrei annað til greina en að hafa miðann á þýsku. Skítuga lúkkið á flata eplavíninu er upprunnið í árdaga Klassiker-nafngiftarinnar, fannst það þurfa að lúkka geðveikt gamalt. Sekt er þýska orðið fyrir freyðivín, og glöggir kannast þarna eflaust við frasa af bjórflöskum, en hann útleggst á íslensku nokkurn veginn þannig að innihaldið þroskist með gæðageri í flöskunni:

Á eitthvað eftir að fínísera þennan seinni, finnst prentletrið ekki alveg vera að fúnkera þarna...

En svo er maður svo snargeðveikur að maður er jafnvel tilbúinn með miða langt fram í tímann, hér höfum við annars vegar mjöð úr Euroshopper hunangi sem fór í fötu 3. febrúar sl., og bjór sem enn er bara á teikniborðinu, en Drýsill er skásta orðið sem orðabókin kom með þegar ég fletti upp orðinu Hobgoblin:


Endilega hendið fram ykkar hönnun

Hérna er lógóið fyrir Jörvan minn... Gerði svo eitt Jörva Stout logo en hef ekki gert fleiri eftir það.

Flott!

Spurning um að setja frekar tengla á myndirnar eða eitthvað? Af allir halda áfram að setja myndir inn í sama þráðinn verður hann býsna þungur áður en langt um líður.

Annars mjög flottir miðar. Vildi að ég hefði þolinmæði í þetta...

Svona myndaþráður á að vera þungur (til þess var aðvörunin sett í subjectið). Mér finnst allavega skemmtilegra að fá svona myndamont beint í æð frekar en að þurfa að klikka á hverja fyrir sig, þótt ég þurfi kannski að bíða aðeins eftir að myndirnar halist niður.. ekki eins og maður sé á innhringitengingu þótt fornu símalínurnar í húsinu séu stundum með leiðindi

Annars sýnist mér Kristfin vera með þetta. Helvíti góðir miðar þar á ferð. Hvað er samt málið með öfugu dagsetningarnar?

Flott að hafa viðvörunina, við erum nú flestir með ADSL hérna og mótmælum ISDN notkun símanns.

"Öfugu" dagsetningarnar eru væntanlega tilkomnar af því að Kristján er tölvunarfræðingur, ef mig minnir rétt, og þá er þetta eini rétti rithátturinn. Ef þú t.d. merkir möppur í myndasafninu þínu með þessari aðferð, þá raðast þær í tímaröð þegar þú raðar eftir nafni. YYYY-MM-DD

Kv,
-daX nörd

það er rétt hjá dax að ástæðan fyrir þessum dagsetninum er að þær eru "global". ekki hægt að misskilja þær.

Sem kemur sér vel þegar þú ferð í útflutning.

Frábærir miðar strákar, greinilega frjóir menn hér á ferð!

[OFFTOPIC]
Hvað kemur frjósemi miðahönnun við?
[/OFFTOPIC]

Lím?

Sorrý...

Hahaha, ég held það væri annað orð, byrjar á g....

Skemmtilegur útúrsnúningur en held þið allir hafið fattað að þarna var um að ræða frjósemi í hugsun, e-ð sem þið voruð að sýna Eyvindur og Siggi Ég verð samt að vera leiðinlegur og reyna að stoppa þetta núna áður en við stelum frábærum þræði í e-ð flipp.

meira miðaföndur.

kv.

þetta eru flottir miðar hjá þér. þumall upp.
hvar fékkstu síðan þessar flöskur

Takk, fékk hugmyndina úr þýski bók, það er að hengja miðann á frekar en að líma hann á flöskuna. Flöskurnar eru einn líter og koma frá Ameríku.

//updeit// kristfin: skoðaði flöskurnar betur, þær heita "EZcap", þeir eru með vefsíðuna: http://www.ezcap.net" onclick="window.open(this.href);return false;

kv.

Góður. Hengimiðarnir eru bráðsniðug hugmynd. Á skapalón fyrir eitthvað svipað sem ég fann á homebrewtalk. Hef ekki notað þetta sjálfur ennþá allavega, set nettan hvítan límmmiða, forsniðið 36 stk út úr A4 örk, á allar flöskur til aðgreiningar, og hef svo notað hina (útprentað, klippt og límt með föndurdoubleteipi) spari ef ég er að gefa flöskuna eða bera hana fram á borði fyrir gesti, annars er flöskunum bara slátrað án frekari merkinga. Doubleteipið er sömu gerðar og ég nota í vinnunni til að festa upp verðmerkingar og hefur ekki valdið mér vandræðum enn sem komið er þegar kemur að því að endurnýta flöskuna, þótt ég viti af reynslu úr búðinni að það geti orðið leiðinlegt fái það að standa mjög lengi.

En talandi um miða, er kominn með annan bjórmiða fyrir hinn bjórinn sem ég reikna með að hafa steady þegar ég kemst í bjórgerðina. Hugmyndin að nafninu kom þegar við vinnufélagarnir vorum eitthvað að tala um boltann, nánar tiltekið rimmu Fulham og Wolfsburg í Evrópudeildinni, og vinnufélaginn spurði hvort Wolfsburg væri eitthvað sem maður drekkur. Þar með var komið þetta líka fína nafn á hveitibjór að þýskum sið, þótt vel megi svo sem vera að Wolfsburger bjór sé til þarna úti þótt aldrei hafi hann borist hingað...

Hann er enn full groddaralegur greyið, litaði trefilinn bara með málningarfötunni til að fá tilfinningu fyrir litunum (sem sóttir eru í búninginn hjá fyrrnefndum Þýskalandsmeisturum Wolfsburg í fótbolta), svo ég á eftir að vinna hann frá grunni þegar nær dregur, og á líka eftir að finna stærri útgáfu af skjaldarmerkinu til að laga upplausnina:

held að hann sé á réttri leið. þarf að fínisera hann aðeins

Ahm. Kemur allt með kalda vatninu, ekki eins og maður sé að fara að leggja í Wolfsburgerinn strax á morgun, smellti þessu aðallega saman í flýti til að koma hugmyndinni á myndrænt form.

Er búinn að laga Wolfsburger miðann, og uploadaði á sama filename, svo umræða um groddaralegan trefil og léleg gæði á skjaldarmerkinu er hér með úrelt. Skjaldarmerkið er ekki alveg það sama, en ég ætla að taka þetta trúanlegra þar sem það kemur af þýsku útgáfu Wikipedia. Svo bættist einn skyndimiði í safnið í gærkvöldi, hugmynd sem flaug í höfuð mér þegar ég sá HM2010 öl í undirskrift hjá einhverjum .. hátíðarbjór fyrir haustið vonandi, enn ekki viss á stíl svo það stendur bara "ljóst öl" eins og er.. þyrfti að vera einhver "fótboltabjór" (mildur og áfengislítill, eitthvað sem mætti drekka í hádegi á sunnudegi með góðri samvisku), en þó með einhverjum hátíðarblæ..


Til að útskýra pælinguna fyrir þá sem ekki þekkja íslenskan íþróttakúltúr, þá mega íslensk fótboltalið skreyta búninginn sinn með stjörnum, einni fyrir hverja 5 Íslandsmeistaratitla, KR hafa unnið 24, og þykja æði sigurstranglegir í ár, og því gerum við í Vesturbænum okkur vonir um fimmtu stjörnuna í haust.

Er að föndra við nokkra miða þessa dagana, hérna er einn

Þessa sumarlegu miða græjuðum við feðgarnir með kartöflu, þekjulit, skærum, tússpenna og mjólk... Merktum þetta litla batch af wit á innan við hálftíma!

þetta eru flottir miðar hjá þér áki.

hvernig bragðast svo vittinn

Ánægður með kartöflu- og mjólkurföndrið =)

Af gefnu tilefni, þá hefur ártalinu á "Fimmtu stjörnunni" verið breytt í 2012 (nenni reyndar ekki að skipta út myndinni á nethýsingunni þar sem konseptið hefur alveg komist til skila), við mikla kátínu vinnufélaga minna, og ég er ekki frá því að það hafi bjargað mér frá mörgum leiðindaskotunum að hafa verið búinn að koma með eitt beitt sjálfur

Annars þá er ég kominn með fyrsta skammt í fötu, og að sjálfsögðu er hent í miða þótt aðeins sé um að ræða eina lögun til að nýta hráefni sem ég keypti fyrir asnaskap:



Ætlunin er að læra af þessu, svo nafnið lá bara í augum uppi. Ætti að vera orðinn drekkanlegur (ef hann þá verður það einhvern tímann) fyrir útsláttarkeppnina á HM

Svo er ég búinn að ákveða hvað verður pantað í fyrsta kasti. Það verður Wolfsburgerinn, wit með vinnutitilinn Hofgarðsseiður, og svo APA, innblásinn að miklu leiti af brúðkaupsöli Úlfars, en snúið á sem einfaldastan máta yfir í extract. Í kjölfarið á einhverjum aulabrandara hjá mér um daginn um APA og apa, þá hefur hann fengið nafnið Apaspil:



Wit-inn er enn ekki kominn með endanlegt nafn eða hönnun, langar þó að kenna hann við örnefnið Hofgarð eða Hofgarða, en þarf að þankahríða meira yfir þeim pælingum. Ætla samt að forðast að nota grænt outer glow, er kominn með of marga græna kanta.