Fágun

Er einhver staður hér á landi sem getur selt manni dælur svipaðar March 809 dælunum sem fólk er mest að nota í bruggið? Þá meina ég dælur sem þola sjóðandi vatn og henta fyrir matvæli.

Veit ekki með það. En ég er að pæla í að reyna að nota dælu úr uppþvottavél... Ekkert víst að það klikki.

Heldurðu að hún dugi í virt í 70-100 gráðum? Fer svosem væntanlega eftir vélum og dælum.. Mín uppþvottavél fer t.d. hæst upp í 65 gráður.

Ástæðan fyrir því að ég að pæla í þessu er að það gæti verið skemmtilegt project að smíða controller sem gæti séð um meskingu (og halda hitastigi 100%), skolun, suðu o.s.frv. Ég á í raun alla rafmagnshluti sem ég þyrfti í þetta, t.d. relay, lcd skjá, örgjörva, hitanema, víra, díóður o.fl. nema þá dæluna. Sótti mér innblástur í http://www.speidels-braumeister.de/shop ... ister.html" onclick="window.open(this.href);return false; . Þetta er furðu einfalt ef maður pælir í því

Einmitt það sama og ég er að pæla.

Ég veit ekkert meira en það sem tengdafaðir minn, sem er rafvirki og hefur mikið gert við svona tæki, sagði mér. Hann vildi meina að þetta myndi virka. Það er bara ein leið til að komast að því...

Bara spurning með að það er fullt af plastefnum sem eru í fínu lagi upp að vissu hitamarki en fara svo að leka einhverjum efnum og tapa herslunni þegar hitinn er kominn yfir það. Fínt að finna dælu allavega og fletta upp hvaða efni eru í henni, það ætti ekki að vera neitt stórmál að googla það.

Mér datt í hug að hringja í fyrirtækið sem er við hliðiná Barka á nýbýlavegi. Minnir að það heiti dælur eða eitthvað svoleiðis. Þeir eiga hugsanlega eitthvað sem maður getur notað eða vita hvar maður fær það. Ætli þetta myndi þó ekki kosta ansi mikið hér á landi. March dælurnar eru til dæmis frekar dýrar í útlöndum.

Skyndilega finnst mér march 809 vera rosalega hagstæðar dælur. Mig grunaði að ég fengi há verð uppgefin hjá innlendum aðilum, en jesús kristur. Lægsta verðið á dælu sem dælir 4-7 lítrum á mínútu og þolir 100 gráður sem ég fékk uppgefið var um 680þús - Án mótors!. Með mótor og þá var verðið tæp milljón.

Ég er að hugsa um að kaupa bara heilt bretti af march 809 dælum.

WOOOOOOT?!?!?!

Þeir hljóta að vera að spauga... Þetta er eitthvað gott glens.

vá, hvaðan var það verð fengið?

daelur.is

prófaðu að senda framleiðanda mail og biðja um cirka verð á þessum dælum til almennings, ekki frá *.is emaili samt

Ég hringdi í fálkann í morgun til að spyrja útí iwaki dælur.. Ég er búinn að vera að skoða iwaki md30 á ebay, get fengið hana um $50 ódýrari en march dælurnar, eða á um 20-25þús hingað komið með vsk. Fálkinn vill fá 63þús fyrir þær.

Ég er allur af vilja gerður að reyna að "styrkja" íslensk fyrirtæki og borga smá auka fyrir ábyrgð og þjónustu. En andskotinn hafi það, þetta er bara kjánalegt verð!

Bentirðu þeim á það?

Nei, reyndar ekki. Þóttist viss að mér yrði boðinn smávegis afsláttur, kannski 10-20% en það dugir skammt.

Jájá, bara alltaf fróðlegt að heyra hvaða afsakanir verslanir gefa fyrir svona kjánalegri álagningu.

Ég held að þeir fái þetta bara á venjulegu verði frá framleiðenda og leggi á það sína álagningu.

Að miða þetta við verð sem að finnast á Ebay er kanski ekki alltaf besti samanburðurinn, einfaldlega vegna þess að góður hluti af seljendum hafa keypt heila lagera af fyrirtækjum sem að fara í þrot eða hætta á algjörum spottprís. Í þeim tilfellum er oft ekki athugað hve mikið hluturinn kostar frá framleiðanda.

En það má vera að það sé líka sóðaálagning á þessu.

Vissulega. En vitið þið hvað þetta kostar hjá venjulegum smásöluaðilum erlendis?

http://www.google.com/products?q=iwaki+ ... t&start=20" onclick="window.open(this.href);return false;

$210 - $260 af því sem að ég finn í snatri.

Það er um 70 USD mismunur á japönsku og bandarísku útgáfunni. Japanska er 230V en Bandaríska er 110V.

Ef ég hraðreikna, þá fæ ég eftirfarandi formúlu.
( $210 [dæla] + $50 [sending] ) * 125 [kr/usd] * 1.4 [miðað við 40% toll .. kanski ýkjur] * 1.255 [VSK]

Út úr henni kemur 57102.5 ISK fyrir eina svona dælu.

Ég myndi giska á að örninn séu bara með venjulega álagningu.

Fálkinn er væntanlega ekki að kaupa dælurnar á smásöluverði, kaupir margar saman og flytur ódýrt með skipi. Og það er enginn tollur á dælum skv því sem ég fann í tollskránni.

Gildir einu svosem, þetta er amk of dýrt fyrir mig hérna heima

Hentar þessi ekki í verkefnið?
http://cgi.ebay.com/Iwaki-Magnet-Pump-M ... 67a41#shId" onclick="window.open(this.href);return false;

Þetta er sama tegund af dælu, jú, að öllum líkindum þá dugar hún í verkefnið hans.

Oli wrote:Hentar þessi ekki í verkefnið?
http://cgi.ebay.com/Iwaki-Magnet-Pump-M ... 67a41#shId" onclick="window.open(this.href);return false;

Jú, ég sendi honum póst í gær, er að bíða eftir svari um hvort hann vilji senda dæluna til Íslands

Fékk svar og fékk dæluna á $117 með sendingarkostnaði. Finnst það ansi vel sloppið þar sem allar aðrar dælur sem ég hef skoðað hefðu endað í yfir $200.

Flott, leyfir mér að fylgjast með verkefninu, stefni á að koma mér upp svona kerfi eins og þú veist.

er að átta mig á ferlinu sem þið eruð að tala um. Er dælan til að halda uppi hringrás í meskingunni þannig að hitinn dreifist jafnt o.s.frv.?