Fágun

Þetta kom upp á Janúarfundinum, en réttast er að taka þetta í formlegt spjall.
Fyrst að 2010 er núna nýbyrjað, þá langar mig til þess að vita hvaða hugmyndir allir hafa fyrir Fágun árið 2010. Þetta getur innifalið t.d. sumarsambrugg úti í sveit, októberfest eða eitthvað annað sem að ykkur dettur í hug.

Allar hugmyndir eru vel þegnar, en með hverri hugmynd væri æskilegt að fá nánari lýsingu á því sem að verið er að hugsa um. Í staðinn fyrir að nefna einungis 'oktoberfest' þá væri betra að fá upplýsingar um hvar ætti að halda atburðinn, hvenær hann ætti að vera haldinn, hvort að einhverjar takmarkanir ættu að vera á atburðinum o.s.frv.
Allar hugmyndir geta tekið stefnubreytingu eftir því sem að rætt er meira um hugmyndirnar.

Til að hugmyndir drukkni ekki í einhverju spjalli, þá set ég þá reglu að hér eigi einungis að koma hugmyndir en ekki spjall. Það skal búa til nýjan þráð fyrir þær hugmyndir sem fólk vill ræða nánar. (Mögulega hægt að útbúa kork fyrir þær hugmyndir.)

Hverjar eru ykkar hugmyndir um mögulega Fágunar-atburði árið 2010?

Bakkelsi & ostar, þurfum að verða aðeins aktívari í þeim málum. Ég hef ekki náð enn að baka mjög gott brauð en það er markmiðið að fikta sig áfram í því.
Væri gaman að sjá einhver brauð á næstu fundum, það væri gaman að sjá meira af ostum. Ég gerði ost með Kalla, það kom reyndar smá mygla í hann þannig að það heppnaðist ekki alveg. Hann situr reyndar enn inni í ískáp.

Hugmynd af grilli+bjór degi í vor eða sumar
s.s. áhveðin er staður og stund, menn koma með það sem menn vilja borða og drekka, og geta svo skipst á bæði mat og drykk, verður einskonar matar+bjórsmakk, ég gæti t.d. verið með slíkt heima hjá mér þar sem grillið mitt er frekar stórt, það má líka útfæra þetta með öðrum mat t.d. ostum eða slíku

Þetta hljómar vel, það er fátt betra en að grilla með góðan bjór í hendi

Búa til mini-keppni þar sem keppt er í einhverjum ákveðnum stíl. Allir sem taka þátt mæta þá með nokkrar flöskur í keppnina sem meðlimir dæma svo í blindsmakki. T.d. væri hægt að keppa í ,,american pale ale" eða hafa þetta meira íslenskt eins og ,,ljósöl kriddað með íslenskum jurtum"

Úúú, mér líst vel á svona keppni. Gætum haft slíkt 1-2svar á ári. Kannski á sumar- og vetrarsólstöðum, eða þar um kring, til að ná bæði vetrar- og sumarstílum.

Og að sjálfsögðu verðum við að hafa grillveislu.

Keppni væri sniðug, en ef þetta á að vera einn stíll þarf að boða hana með góðum fyrirvara; t.d. að vori ef keppnin er að hausti. Hefur einhver prófað að krydda með íslenskum jurtum? Ég hef mikinn áhuga á að heyra frá einhverjum hvaða reynsla er af þeim, t.d. hversu mikil beiskja er af vallhumal miðað við humla o.s.frv. Ætla sjálfur að gera víðtækar tilraunir næsta sumar

Miðað við heimsmarkaðsverð á humlum og gengi íslensku krónunnar er full ástæða til að leita að staðgenglum í íslenskri náttúru