Fágun

Keypti mér sitt hvora flöskuna af jólabjór frá Egils og Víking.
Þeir eiga litinn sameiginlegan, myndi segja rafgullnir á lit, Egils kannski örlítið dekkri, lítill haus á báðum sem koðnaði fljótt niður, lítið humlabragð af báðum.
Af Víking finn ég málmbragð og smávegis af karamellu/kristalmalti, enda tiltaka þeir það á flöskunni að það sé eina viðbótin.
Sama er að segja með Egils, þar er smávegis karamellu/kristalmaltbragð, á flöskunni segir að þeir noti lakkrís en ég bara finn engan lakkrískeim. Allt í allt mjög líkir bjórar þar sem litlu er bætt við upprunalegu Víking/Egils bjórana, kem ekki til með að kaupa fleiri svona.
Tek það fram að ég smakkaði líka jóla-Kalda á undan þessum og þeir komust ekki nálægt honum í bragði og fyllingu, það hefur kannski áhrif á dóminn.

Ég er bara búinn að komast í það að smakka 2 jólabjóra, Ölvisholts & Egils.
Ég verð að segja að ég varð fyrir vonbrigðum þegar ég smakkaði hann frá Agli, ég fann ekki heldur fyrir neinum lakkrískeim. Hann var ekki vondur, hann var drykkjarhæfur svosum en ekki góður.. ég smakkaði hann í dós og á einn í flösku inni í kæli þannig að kanski er einhver munur á þeim.