Fágun

Ég er aðeins að skoða græjur til að mala korn, og þetta virðist vera ódýrast (uþb 10þús með sendingarkostnaði +vsk). Er eitthvað annað sem kemur til greina og er kannski hægt að fá eitthvað ódýrara og jafnvel hér á landi? Mér líst ekki nógu vel á pastagræjurnar sem fólk hefur verið að smíða og er því að skoða þetta. Myndi líklega nota þetta til að mala kaffið mitt líka

Er þetta ekki Corona eða Victory græjan? Nóg af skoðanaskiptum um þær á t. d. homebrewtalk.com.

Sjálfur íhugaði ég að fá mér eina svona um tíma, en eftir mikinn lestur fannst mér þeir vera í miklum minnihluta sem voru sáttir við þær. Ég ætla frekar að safna fyrir Barley Crusher þegar fram líða stundir. Þangað til er ég ánægður með að fá kornið mitt malað um leið og ég sæki það í Ölvisholt.

Við vinirnir eigum svona kvörn og höfum verið að nota hana óspart. Gallinn við hana er að það er mjög erfitt að hitta á rétta stillingu á grófleika. Skrúfan sem maður snýr til að stilla er með mjög grófum skrúfgangi og því er þetta oft millimetra spursmál hvort kornið komi í gegn heilt eða eða fínmalað. Það tekur smá tíma að ná lagni við að stilla og svo er bara málið að skoða grófleikann reglulega (eftir hvert kíló) og stilla aftur ef stillingin hefur eitthvað færst til.

Barley Crusher er á innkaupalistanum hjá okkur en þangað til maður fjárfestir í honum þá látum við þetta nægja.

PS. Ef þú ert að hugsa um að gera meira en 20 lítra í einu þá mæli ég ekki með þessu. Maður verður leiður á að mala meira en 5 kíló í hvert skipti í svona handsnúinni kvörn

Mig grunaði það svosem, að stillingin héldist ekki 100% og að hendurnar yrðu lúnar. Ég sé þó ekki fram á að mala nema 5-8kg í einu þannig að það ætti ekki að koma að sök.

Þið getið líka notað borvél á þetta tæki til að verða ekki jafn lúnir í höndunum.

halldor wrote:Við vinirnir eigum svona kvörn og höfum verið að nota hana óspart. Gallinn við hana er að það er mjög erfitt að hitta á rétta stillingu á grófleika. Skrúfan sem maður snýr til að stilla er með mjög grófum skrúfgangi og því er þetta oft millimetra spursmál hvort kornið komi í gegn heilt eða eða fínmalað.

Ein ef þið festið langt bleikt prik við skrúfuna eins og ég hef gert hér. Þá er radíusinn miklu meiri og þið ættuð að geta stillt hana mjög nákvæmlega (ef prikið er vel fest)

Hefur einhver reynslu af Kitchen Aid grain mill?
var að hugsa að kaupa slíkt en er kostar sitt

http://www.fantes.com/kitchenaid-grain-mill.html" onclick="window.open(this.href);return false;

Svona? Sem smellist á kitchen aid græjur?

Note: Do not grind more than 10 cups of flour at one time. Allow mixer to cool at least 45 minutes before using again, or damage to the mixer may result.

Þetta gæti tekið tímana tvo með fimm, sex kíló af korni!

Einmitt svona græja, en ég séð aðra útfærsu á þessu
Idle: Já telurðu að þessi græja sé ekki nógu öflug í 5-6kg? s.s taki of langan tíma?

10 bollar eru amk bara 1.5-2kg, þannig að já, þetta tæki ansi langan tíma


Það er jafnvel spurning hvort einhverjir væru til í að leggja saman í púkk og kaupa http://www.barleycrusher.com/" onclick="window.open(this.href);return false; saman? Maður notar þetta ekki það oft að það gæti verið gáfulegt að 2-4 ættu svona saman sem búa nálægt hvor öðrum...

Bjössi wrote:Einmitt svona græja, en ég séð aðra útfærsu á þessu
Idle: Já telurðu að þessi græja sé ekki nógu öflug í 5-6kg? s.s taki of langan tíma?

Ég hreinlega veit það ekki. Það sem ég skrifaði síðast var tekið af vefsíðunni sem Hrafnkell vísaði til, þ. e. notkunarleiðbeiningunum.

Hinsvegar hef ég lesið svolítið um þessar græjur á HomeBrewTalk.com, að mig minnir, og þar fóru menn ekki fögrum orðum um þær. Nothæf og vinnur á sama hátt og Corona/Victory "hakkavélarnar", en ekki auranna virði (ódýrara að fá sér góðan Barley Crusher eða Monster Mill). Eiga það til að rífa og tæta hýðið og mikið.

En ég hef ekki reynslu af þessum gerðum sjálfur, aðeins þær upplýsingar sem ég hef lesið á netinu.