Fágun

Þarf ekki að fylgja einhverjum vissum reglum þegar maður er að dæma bjóra.

Hvað þarf að pæla í, hvað maður metur og svo framvegis? Væri gaman að setja upp svona reglur um hvernig maður dæmir þá til þess að auðvelda leikmönnum

Hmm...

Það er voðalega erfitt að setja upp einhverjar almennar reglur því að hver og einn upplifir og bragðar hlutina á sinn hátt. Þess vegna er ekkert rétt eða rangt í þessu. Mér finnst alltílagi að halda þessu fyrirkomulagi að fólk ræði um hvernig að það upplifi hinn og þennan bjór.

Það væri hinsvegar etv hægt að skoða það í framtíðinni að félagið myndi skipuleggja námskeið (eins óformlegt eða formlegt og fólk vill hafa) þar sem að farið er í gegnum hvaða lykt og bragð er hvað með því að "spike"-a bjóra með flavor aktívum efnum, svona svo að það séu allir á sama blaði í lýsingum.

Kannski er eina reglan bara reyna að dæma á sem sanngjarnastan og hlutlægastan hátt? Og náttúrulega hafa gaman að

En ef maður mundi suðurlíða þetta aðeins:

1. Hvernig hellist bjórinn í glasið
2. Hvernig litur hausinn út, hversu mikil froða, loftkennd eða þett, hvernig er hún á lítinn?
3. Hvernig lyktar bjórinn, humlar eða malt?
4. Hvernig bragðast fyrsti sopinn, sætt, súrt, beiskt?
5. Hvernig er að hafa bjórinn í munninum, frekar þettur eða vatnskenndur, teygjanlegur eða eins og gos?
6. Hvernig eftirbragð er bjórinn með, beiskur humall eða sætt malt?
7. Útlit
8. persónuleg skoðun, e.t.v. stjörnugjöf

hugmyndir teknir af http://beer.about.com/od/howtotastebeer ... teBeer.htm

Samt eitt... Nú eru mikil vísindi og umdeild, hvernig á að hella bjór í glas. Margir breskir bjórar eiga til dæmis að vera þannig að hausinn sé eins lítill og hægt er (mild og bitter, ef mér skjátlast ekki). Þeim þarf þá að hella eins varlega og hægt er, til að fá engan haus. Pilsner á hinn bóginn á að hella beint niður og fá sem mesta froðu, bíða og hella meira. Í Þýskalandi er sagt að sé pilsner hellt rétt í glas eigi það að taka sjö mínútur. Mér finnst hæpið að taka svona hluti með í bjórdóm, þegar fólk hellir bjórnum á mjög misjafnan hátt.

Ég held að það sé best eins og Stulli segir, að lýsa bara sem best sinni upplifun.

Jú algerlega. Ætli það hafi ekki verið sem að Hjalti var að meina

Það er alveg tilvalið að ákveða eitthvað sundurliðunar format fyrir bjórdómana svo að það sé samræmi í þessu.

Sjálfur sundurliða ég á þennan hátt þegar að ég greini og dæmi bjóra:

Útlit - litur, tærleiki, froða o.s.frv.
Lykt
Bragð
Áferð
Heildarsvipur/persónuleg skoðun

Að hella bjór í glas, það er heill skóli útaf fyrir sig

Ég hef nú þann háttinn á að hella kröftulega. Með því losnar mesta lyktin úr læðingi auk þess sem að maður getur séð hvað froðan heldur sér lengi.

Ég mæli með því að í bjórdómum okkar, sem og öðru bjórspjalli, skulum við hafa í heiðri orð þeirra BeerAdvocate bræðra: "Respect Beer".

Það getur verið leiðilegt að sjá einhvern tala illa um uppáhalds bjórinn/stílinn þinn bara út af því að hann hefur annan smekk en þú. Sem sagt dæma bjórana út frá því sem þeir eru að reyna að vera en ekki út frá því sem þú vilt að þeir séu.

Ég hellti Thule "venjulega" í glas áðan, kláraði hann og svo hellti ég öðrum kröftuglega og tók mér smá tíma í það eins og Eyvindur sagði um pilsen bjóra(Thule sækir fyrirmynd sína í pilsen bjóra stendur aftan á flöskunni). Ég verð að segja að þetta er bara allt annar bjór

Halldór: +1. Lágmarkskurteisi.

Ég hlakka til ad prófa thetta med pilsnerhellinguna á Urquell.

halldor wrote:Ég mæli með því að í bjórdómum okkar, sem og öðru bjórspjalli, skulum við hafa í heiðri orð þeirra BeerAdvocate bræðra: "Respect Beer".

Það getur verið leiðilegt að sjá einhvern tala illa um uppáhalds bjórinn/stílinn þinn bara út af því að hann hefur annan smekk en þú. Sem sagt dæma bjórana út frá því sem þeir eru að reyna að vera en ekki út frá því sem þú vilt að þeir séu.

Nákvæmlega

Mjög góður punktur, spurning um að skrifa niður lámarks upplýsingar sem bjórdómurinn verður að innihalda til þess að geta hjálpað fólki og svo líka kurteysisreglur

Já, en svo þurfum við kannski ekki að hafa miklar áhyggjur af því, þannig. Ég er til dæmis væntanlega ekki að fara að dæma létta lagera, þar sem ég er ekki hrifinn af þeim og eyði þar af leiðandi ekki peningum í þá... Þar sem við þurfum jú flest að kaupa bjórinn sem við rýnum hljótum við að nálgast þá með opnum huga. Og ég vona að enginn fari að skrifa einhverja níðdóma um bjór sem viðkomandi hefur þótt vondur eftir minni...

En allur er varinn góður... Einhver mætti endilega taka sig til og skrifa smá reglupóst hérna, sem fólk getur glöggvað sig á. Aðgát skal höfð í nærveru bjórs.

Ein pæling, svo allrar sanngirni sé gætt... Ætti kannski að vera korkur fyrir víndóma? Eða er kannski til nóg af svoleiðis síðum fyrir? Ekki það að ég sé að fara að dæma vín, enda kaupi ég slíkt svo sjaldan, en kannski er það eitthvað sem einhverjir hafa áhuga á?

Spurning hvot það ætti að vera bara eitt forum sem heitir Dómar, undir því, bjórdómar, víndómar og cider dómar...

Því ekki það? Veit ekki hversu mikið er hægt að dæma af cider og miði, þar sem þetta er illfáanlegt hér á landi... Kannski frekar bara "aðrir dómar" fyrir slíkt? En það væri kannski hægt að hafa eitt fyrir dóma um bjór/víngerðarsett. Einhverjir okkar hafa pantað bjórgerðarsett að utan, og kannski mætti alveg skrifa dóma um settin sem fást hér á landi, ekki síst ef þau verða margbrotnari í framtíðinni en verið hefur. Og auðvitað er gott úrval til af víngerðarsettum hér á landi, og það gæti verið gott fyrir forvitna að sjá dóma um einhver þeirra.

Það er eitthvað um mjöð í ríkinu.
+1 við því að virða bjórinn, respect the beer.
Það er góð pæling með að búa til sér svæði fyrir alla dómana.

Er mjöður í ríkinu?! Vá, hvað ég hef leitað illa... Nema þetta sé eitthvað nýtt. Man að vinur minn frá BNA leitaði lengi að miði, og spurðist fyrir, en hann sagði að þetta væri ófáanlegt með öllu hérna... Verð að tékka á því, ef þeir eru komnir með þetta...

Amma verzlaði þetta allavegna um daginn. Þetta er einhver pólskur mjöður, veit ekki nákvæmlega hvernig samt .. það eru held ég einhver 3 orð yfir mjöð í póllandi allt eftir hunangs & vatns sykurhlutfalli

Ertu viss um að það sé ekki eftir því hverju er bætt út í? Ávöxtum og kryddi og þannig? Veit að ávaxtamjöður heitir melomel (minnir mig... stafsetning?)...

# Czwórniak — A Polish mead, made using three units of water for each unit of honey
# Dwójniak — A Polish mead, made using equal amounts of water and honey
# Półtorak — A Polish mead, made using two units of honey for each unit of water
# Trójniak — A Polish mead, made using two units of water for each unit of honey.

# Melomel — Melomel is made from honey and any fruit. Depending on the fruit-base used, certain melomels may also be known by more specific names (see cyser, pyment, morat for examples)

Wikipedia.org

Magnað... Alltaf lærir maður eitthvað nýtt...

Hér eru upplýsingar um pólsku miðina í ríkinu:

http://www.vinbudin.is/DesktopDefault.a ... me=Lettvin

Ég er búinn að kaupa nokkrar flöskur, bara hef ekki enn haft tækifæri til að smakka á þeim.

Stulli wrote:Hér eru upplýsingar um pólsku miðina í ríkinu:

http://www.vinbudin.is/DesktopDefault.a ... me=Lettvin

Ég er búinn að kaupa nokkrar flöskur, bara hef ekki enn haft tækifæri til að smakka á þeim.

Svo þarf að velja "ávaxtavín" i undirflokki

Eða skrifa "mjöður" inn í leitargluggann.

úbbs

já, eða velja framleiðsluland: Pólland