Flestar uppskriftir sem ég hef lagt í hingað til hafa verið með ca 4-5 kg af korni í 27 lítra, venjuleg BIAB aðferð og suðupottur úr plasti úr byrjendapakka brew.is. Fæ yfirleitt 17-18 lítra á flöskur úr því.
Nú er ég að skoða tvær, þrjár uppskriftir af stórum og sterkum bjórum fyrir veturinn og Beersmith er að gefa mér upp að nota 8-9 kg af korni. Hljómar það nokkuð alveg fráleitt fyrir bjóra með OG í kringum 1.085 og uppúr og 7,5 til 8,5 % ABV ?
Ég sé reyndar fyrir mér að ég geti lent í vandræðum með svona mikið korn í pokanum - er ekki með talíu eða þannig útbúnað til að lyfta þessu.
Það er ekkert stórmál, en þú þarft að byrja með minna magn af vatni og bæta það upp með t.d. skolun eftirá. T.d. Byrja með ~20 lítra í meskingu, í lok meskingar (fyrir mashout) hafa 10 lítra af ~85°C vatni í gerjunarfötu og færa kornpokann yfir í það. Þannig nærðu að skola kornið og mashout í einu skrefi. Leyfir því að standa í 5-10mín og sameinar svo í suðufötuna. Þannig eykurðu nýtnina þína og getur sparað þér smá tíma með því að ná upp suðu á meðan mashout klárast.
Ágætt að hafa líka í huga að með stærri bjóra þá lækkar nýtnin, sem þarf að gera ráð fyrir með meira af korni.