Lava - Ölvisholt Brugghús

Deildu skoðun þinni á drykk sem þú hefur nýlega smakkað. Eða segðu frá skemmtilegum stað sem þú heimsóttir.
Forum rules
Endilega komdu með þína skoðun á drykk sem þú hefur smakkað nýlega. Munið bara eitt. Berum virðingu fyrir öllum drykkjum.
Post Reply
User avatar
Hjalti
Yfirgerill
Posts: 671
Joined: 5. May 2009 13:45
Location: Grafarvogur
Contact:

Lava - Ölvisholt Brugghús

Post by Hjalti »

Þetta er þriðja tilraunin hjá Ölvisholti að gera bjór fyrir almennan markað fyrir utan þessa seasonal jóla, þorra og páskabjóra.

Þetta er 9.8% ABV Imperial Stout

Ég er búinn að hlakka lengi til að smakka þennan bjór og verð að segja að ég bara kann ekki að meta þetta. Fyrsta bragðið sem kemur þegar maður drekkur hann er alveg frábært, góður stout með miklu bragði en svo kemur bragð sem ég bara þekki ekki, rosalega reykt bragð sem næstumþví jaðrar við reyktan lax!

Ég verð eginlega að játa það að þessi bjór er bara of mikið fyrir mig og ég ætla því ekki einu sinni að gefa honum einkunn.

Endilega einhver koma með raunverulegan bjórdóm um þennan bjór. Ég vil heyra góða lýsingu á því hvað þetta er.

Úlfar reyndar sagði eitt flott um hann um daginn og það var ,,Extreme brewing" :geek:
Jörvi Brauhaus

Að gerjast: Ekkert :(
Að aldrast: Jörvi Jólabjór, ESB - Engin Sérstakur Bjór, Fuck you up IPA, Jörvi Irish Red Ale, Jörvi Real Ale og EdWorts Apfelwein
Að planast: Fyrsti all grain bjórinn.
User avatar
Eyvindur
Æðstigerill
Posts: 2278
Joined: 5. May 2009 19:28
Location: Hafnarfjörður

Re: Lava - Ölvisholt Brugghús

Post by Eyvindur »

Ég ber blendnar tilfinningar til Lava. Hann er með mikla viskýtóna, sem er að mínu mati bæði gott og slæmt. Reykta bragðið fellur mér í geð (en er eflaust ekki allra) og bragðið er mikið og margbrotið. Það sem mér finnst hins vegar galli er hvað það er mikið áfengisbragð af honum. Ég hef borið þetta undir mann ytra sem hefur reynslu af dómarastörfum í bruggkeppnum, og hann sagði að alkóhólbragð af Imperial Stout væri ekki eðlilegt og flokkað sem galli, þrátt fyrir háa prósentutölu. Þetta gæti stafað af of litlu geri fyrir svona stóran bjór, eða of háu hitastigi við gerjun (og eflaust gætu aðrar ástæður legið að baki sem ég kann ekki að nefna). Þetta gerir bjórinn alls ekki ódrekkandi, en mér finnst þetta vera galli. Fyrir vikið finnst mér hann bragðast pínulítið eins og hóstasaft.

Ef ég ætti að gefa Lava einkunn myndi ég segja 6/10. Hann er bærilegur, en gæti verið miklu betri.
Slæmdægur Brugghús
Í gerjun: Imperial Mild
Á flöskum: Allskonar gamalt dót
Á kút: London Porter, Norskt sveitaöl
Framundan: Bjór

Smelltu hér til að gera ekkert.
User avatar
Stulli
Gáfnagerill
Posts: 246
Joined: 5. May 2009 22:27
Location: 107
Contact:

Re: Lava - Ölvisholt Brugghús

Post by Stulli »

Ég er hæstánægður með þennan bjór frá Ölvisholti. Það getur tekið svolítinn tíma til þess að venja bragðlaukana á sterka, aggressíva bjóra. Ég man þegar að ég smakkaði minn fyrsta bjór, Budweiser Budvar, að ég komst ekki yfir hvað það var beiskt :D Ég man svo líka þegar að ég smakkaði IPA fyrst , ég hélt ég myndi deyja það var svo beiskt, en það breyttist fljótt. Bragðskyn manns er sífellt að breytast og þróast.

Þið getið séð dóminn minn hér:
http://beeradvocate.com/beer/profile/17208/46273

Þegar að ég sest niður til þess að analýsera og dæma bjór reyni ég alltaf að vera hlutlaus. En hlutleysi er ekki til. T.d. er russian imperial stout einn af mínum uppáhalds stílum auk þess sem að mér fannst að frumkvæði og listrænt ágengi Ölvisholts verðskulda góða einkunn.

Ég er ekki sammála Eyvindi með að alkóhólið sé galli. Þegar að um svona sterkan bjór er að ræða er mjög erfitt að komast hjá því. BJCP reglurnar leyfa einnig alkóhól í bragð og lykt fyrir þennan stíl og mér fannst það ekki vera vera í svo miklu magni að að það stingi í stúf. Ég hefði persónulega viljað meiri reykt bragð, þar sem að rauchbier er í miklu uppáháldi hjá mér (og er uppáhalds bjórstíll konunnar minnar ;) ) en það væri nú ekki hægt vegna þess að allt base maltið í þessum bjór er reykt!
Sturlaugur Jón Björnsson
Bruggmeistari
Borg Brugghús
User avatar
Eyvindur
Æðstigerill
Posts: 2278
Joined: 5. May 2009 19:28
Location: Hafnarfjörður

Re: Lava - Ölvisholt Brugghús

Post by Eyvindur »

Ja, það væri eflaust hægt með smá taðreyktu (peated) malti...

Nei, mér finnst þetta heita alkóhólbragð spilla pínulítið, en ekki samt eyðileggja þetta neitt. Mér hefði bara þótt hann betri annars. Og eins og ég segi bar ég þetta undir mann sem hefur dæmt þennan stíl, og hann sagði að hann myndi telja þetta til galla... En þetta er bara smekksatriði...
Slæmdægur Brugghús
Í gerjun: Imperial Mild
Á flöskum: Allskonar gamalt dót
Á kút: London Porter, Norskt sveitaöl
Framundan: Bjór

Smelltu hér til að gera ekkert.
User avatar
Stulli
Gáfnagerill
Posts: 246
Joined: 5. May 2009 22:27
Location: 107
Contact:

Re: Lava - Ölvisholt Brugghús

Post by Stulli »

Einsog frakkinn sagði:

chacun à son goût
Sturlaugur Jón Björnsson
Bruggmeistari
Borg Brugghús
Gommit
Villigerill
Posts: 10
Joined: 7. May 2009 23:25

Re: Lava - Ölvisholt Brugghús

Post by Gommit »

Mér fannst ég himinn hafa höndum tekið þegar ég fann þessa snilld.
Lava fer ótrúlega nærri Paradox bjórnum frá Brewdog sem er minn uppáhalds.

Image

Verð samt að taka það fram að ég hef verið forfallinn viskímaður og mínir bragðlaukar hafa verið barðir til með peaty viskí frá Islay í nokkur ár.

Ég gef Lava hiklaust 9
User avatar
Stulli
Gáfnagerill
Posts: 246
Joined: 5. May 2009 22:27
Location: 107
Contact:

Re: Lava - Ölvisholt Brugghús

Post by Stulli »

Gommit wrote:
Verð samt að taka það fram að ég hef verið forfallinn viskímaður og mínir bragðlaukar hafa verið barðir til með peaty viskí frá Islay í nokkur ár.
Sjálfur er ég mikill Islay aðdáandi. Lagavulin í sérstöku uppáhaldi, passa að eiga það alltaf til í viský safninu mínu ;) Er núna með Lagavulin Destillers Edition, alveg hreinn unaður!
Sturlaugur Jón Björnsson
Bruggmeistari
Borg Brugghús
User avatar
Elli
Villigerill
Posts: 21
Joined: 14. May 2009 17:47

Re: Lava - Ölvisholt Brugghús

Post by Elli »

Mér finnst þetta frábær bjór - en skil vel að það séu ekki allir á sama máli... hann reynir verulega á bragðlaukana.

Þeir í Ölvisholti eiga hrós skilið fyrir að vera óhræddir við að prófa nýja hluti... ekki oft sem innlend brugghús ákveða að gera eitthvað svona svakalegt :)
gr33n
Kraftagerill
Posts: 51
Joined: 9. Sep 2012 21:59

Re: Lava - Ölvisholt Brugghús

Post by gr33n »

Ég ætla að fá að poppa þessum þræði upp svona í tilefni af því að við vinirnir ákváðum að gera Lava tilraun í gær

Þannig er mál með vexti að ég fór í sumarbústað um helgina með Gunnari og Páli vinum mínum (og fleirum reyndar)... en við 3 vorum búnir að ákveða þar sem einn okkar átti 4. ára gamlan LAVA uppí skáp hjá sér að taka smakktest á einum nýjum... og svo þessum gamla.

Ég skal vera fyrstur manna að segja að fyrst þegar ég smakkaði Lava var hann ekki að gera góða hluti hjá m´rt. En þessi seinni smökkun breytti því algjörlega.

Nýji ölinn var mjög fínn... en OHH BOY hvað hann var beyond geðveikur eftir að hafa verið búinn að eldast. Hann varð allur mikið ljúfari, meiri karmella og súkkulaði.. ásamt því hvað hausinn varð mikið brúnni. Boddíið varð einhvernvegin mikið fyllra og bragðbetra, ásamt því hvað lyktin var gvöðdómleg.
Þetta varð allavegana til þess að ég mun núna kaupa góðan slatta af honum og geyma. Þvílíkt gull sem þessi bjór er eftir öldrun.
Mbk. Gísli

Fyrirhugað: Black IPA, 15%+ Stout og fleira
Í gerjun: IPA, Súr Saison
Í secondary: Enskur Barley Wine
Á dælu : Hulk vs. Simcoe pale ale
Á flöskum: Fabio - Habanero pale ale, Bloody Frenchmen with their chocolat mousse - Súkkulaðistout
#17
User avatar
bergrisi
Undragerill
Posts: 948
Joined: 27. Apr 2011 23:24
Location: Keflavík

Re: Lava - Ölvisholt Brugghús

Post by bergrisi »

Takk fyrir þetta. Ætla að prufa þetta. Á núna Surt sem ég geymi til hátíðlegs tækifæris. Ætla að kaupa nokkra lava til að setja í geymslu.
Með vinsemd og virðingu
Rúnar
Á flöskum allt frá ljúfum lagerum til rífandi RIS
User avatar
Feðgar
Gáfnagerill
Posts: 377
Joined: 24. Apr 2011 20:38
Location: Keflavík

Re: Lava - Ölvisholt Brugghús

Post by Feðgar »

Má ekki heimfæra þetta á flest alla dökka og sterka bjóra?

Ég smakkaði La Trappe Quadrupel um daginn sem var búinn að sitja inn í skáp hjá mér í sirka ár og verð að segja það sama um hann, bara hreinn unaður. En mér þótti hann bara brugg þegar ég smakkaði hann beint úr Ríkinu.

Held að það sé ráð að fara og kaupa í "kjallarabjór" safn. Einhvað sterkt og/eða dökkt sem má svona bara bíða betri dags.
Post Reply