Page 1 of 1
Einn að norðan
Posted: 17. Jan 2014 11:59
by Garðar
Sæl öll, er ungur drengur að norðan og er nýlega fluttur í höfuðborgina og fannst tilvalið að byrja að brugga aðeins aftur. Hef verið að dunda mér í víngerð (með misgóðum árangri) og rakst á þessa snilldarsíðu. Frábært að geta nýtt sér fróðleik annara
Er núna með jarðarberjavín og mjöð í gerjun.
Takk fyrir mig,
Garðar
Re: Einn að norðan
Posted: 17. Jan 2014 13:53
by bergrisi
Velkominn
Re: Einn að norðan
Posted: 17. Jan 2014 22:42
by helgibelgi
Velkominn Garðar
Hvað ertu búinn að vera að brugga lengi? Hefurðu eitthvað prófað bjórbruggun?
Kveðja,
Helgi
Re: Einn að norðan
Posted: 18. Jan 2014 18:26
by Garðar
Takk
Ég byrjaði að brugga fyrir sirka þremur árum. Ég hef enn ekki prufað að brugga bjór, en er mjög spenntur fyrir því. Á eitt "beer making kit" sem ég ætla að prufa þegar að jarðarberjavínið er tilbúið.
Re: Einn að norðan
Posted: 20. Jan 2014 11:43
by helgibelgi
Garðar wrote:Takk
Ég byrjaði að brugga fyrir sirka þremur árum. Ég hef enn ekki prufað að brugga bjór, en er mjög spenntur fyrir því. Á eitt "beer making kit" sem ég ætla að prufa þegar að jarðarberjavínið er tilbúið.
Passaðu þig á því að dæma ekki alla heimagerða bjóra út frá þessu kit'i. Svona Kit hefur mér aldrei fundist koma nálægt all-grain bjórum. (geri ráð fyrir að þetta sé sýróp sem bæta þarf svo sykri út í, kit+kilo)
Btw, geturðu nokkuð ljóstrað upp uppskrift og aðferð að jarðarberjarvíninu? það hljómar eins og eitthvað sem swmbo gæti orðið hrifin af!
Re: Einn að norðan
Posted: 23. Jan 2014 19:43
by Garðar
Sjálfsagt
það er reyndar líka úr kitti, en hef bara góða reynslu af því.
Ég leysti upp 5Kg af sykri út í 23L af vatni og setti þurrkaða ávexti út í blönduna sem að fylgdu með. Ég virkjaði svo gerið í smá glerkrukku og volgu vatni og bætti því svo út í. Eftir sirka 2 vikur var farið að hægjast verulega á gerjuninni (átti að miða við 1-2 mínútur á milli loftbóla í loftlásnum) smakkaði svo á víninu og það smakkaðist þurrt svo að ég stöðvaði gerjun. Fleytti víninu yfir í annað ílát og bætti út í það stabiliser og setti gerjunarílátið inná baðherbergi hjá mér og slökkti á ofninum og opnaði gluggann til að kæla herbergið niður. Hristi svo kútinn reglulega til að losa allt gas úr víninu. Næsta dag setti ég felliefni í kútinn og setti hann upp á eldhúsbekkinn hjá mér. Lét hann standa í 2 sólarhringa og fleytti því svo yfir í annan dúnk og bætti við jarðarberjaconsentrati. Er núna að leyfa því að eldast í 1-2 vikur. Hugsa að ég setji það á flöskur um mánaðarmótin.
Ég bjó ekki svo vel að vera með sykurflotvog svo að ég tók engar mælingar...
En ég drakk samt eitthvað af því og eftir eitt (stórt) vínglas fann ég á mér, sem er ekki nákvæm mælieining, en þetta verður allavegana nógu gott til að drekka
Lokaafurð. Smakkaðist vel og á vonandi eftir að batna