Bjórlykt eftir átöppun

[Krissa]

Heyriði, ég og eiginmaðurinn vorum að setja okkar fyrstu lögn sem við fengum frá Hrafnkeli á (brew.is) á flöskur. Það gekk allt ljómandi vel, sótthreinsuðum allt sem við notuðum ásamt því að sótthreinsa tappana og settum svo flöskurnar inn í vaskahús. Daginn eftir var bara kominn svakaleg bjórlykt inn í vaskahúsi, hefur einhver lent í svoleiðis? Eitthvað sem við erum að gera vitlaust?

Kveðja
Krissa

[bergrisi]

Hvað er heitt í vaskahúsinu?
Hefur einhver flaska sprungið?

[Krissa]

20-25 gráður hiti áður en við opnuðum gluggann til að lofta út, Nei sé nú ekki að nein flaska hafi sprungið

[Eyvindur]

Er ekki bara eitthvað smá sull utan á flöskunum? Það er alltaf smá lykt eftir átöppun hjá mér.

[Krissa]

Það ætti ekki að vera mikið sull utan á þeim, ég skolaði allar flöskurnar. Finnst bara svo mikil lykt, fyllir alveg herbergið.

[Plammi]

Varstu kannksi með handklæði eða eitthvað álíka til að þurrka upp (eða hafa undir við átöppun)?
Ég tappa á í geymslunni og er með eitthvað undir til að taka það sem sullast út fyrir. Svo er ég með óhreinataujið í barnaherberginu. Daginn eftir var geggjuð bjórlykt í barnaherberginu...

[hrafnkell]

Ef það sullast bjór þá þarf að þurrka með blautri tusku... Það er sennilega einhver sletta einhversstaðar að valda þessu hjá ykkur

[Krissa]

Lyktin hefur eitthvað minnkað, ég var ekki með neitt undir við átöppunina, við vorum yfir vasknum með flöskurnar. Spurning hvort að það hafi bara verið eitthvað utan á flöskunum sem ég hef ekki náð að skola almennilega Verð nú að viðurkenna að ég hlakka mikið til að smakka, lyktin er alls ekk slæm

[Eyvindur]

Þessi klassíska bjórlykt sem maður finnur þegar bjór hefur sullast niður er búin til af bakteríum, og getur verið ótrúlega sterk þótt það sé bara pínulítið sem sullast. Ég hellti niður smá bjór á gólfið í fyrradag og þurrkaði strax upp. Það var samt lykt í meira en sólarhring eftirá. Það þarf bara svo lítið.

[Krissa]

Já ok Eyvindur, ætli það hafi bara ekki verið málið.