Fágun

Jæja, þá er kominn tími til að hætta þessu flöskuveseni.

Er kominn með þessa hluti:
2 gamlir pepsikútar sem ég fann á bílskúrssölu á 5000 kr parið

Pantaði svo þetta, 2 perlick SS kranar, dual gauge regulator og manifold og allar leiðslur og tenglar. Þetta var aðall kostnaðurinn, um 20 þús.

Fékk svo 5 lb CO2 kút frá vini mínum á 4000 kr.

Keypti svo þennan frysti notaðan á 2500 kr.


STC-1000 hitastýring er síðan á leiðinni frá ebay, 2000 kr.

Býst við kannski öðrum 5000 kr í timbur og drip tray, en eftir það þá ætti ég að vera kominn með græju sem lítur svona út á undir 40 þús:


Smelli inn myndum af ferlinu þegar ég byrja að setja þetta saman

svalt

Jæja, þá er að koma mynd á þetta hjá mér.

Þar sem keezerinn verður í stofunni hjá mér, þá þurfti þetta að líta sæmilega út.

Hér er ramminn í smíðum. Notaði venjulegt 2x6 timbur í rammann, en til að gera þetta flottara sagaði ég niður flotta eikarfjöl og setti framaná.
Boraði svo götin með 1' bor.


Til að fela sjálfa frystikistuna þá tók ég 3 krossviðarplötur og málaði með "rock accent" málningu.

Lokið er síðan skápahurð, sem ég fékk eins og nýja á 5$ í thrift store. Einangraði það svo að innan með einangurnarull og duct tape, og setti gúmmirönd meðfram.

Á aðeins eftir að smella þessu saman, en þessi mynd gefur góða mynd á því hvernig þetta mun líta út.

Þetta lítur vel út hjá þér!

Ég þarf sjálfur að fara út í þetta bráðum líklega. SWMBO mun ekki leyfa ísskáp inni í stofu, alveg sama hversu mikinn frían bjór hún fær

helgibelgi wrote: SWMBO mun ekki leyfa ísskáp inni í stofu, alveg sama hversu mikinn frían bjór hún fær

Auðveldara að sannfæra hana þegar þetta lýtur svona vel út (mín gretti sig allavega ekki mikið þegar ég sýndi henn þetta)

Í öðru hobbýi sem ég hef (hljómtæki) er talað um WAF sem mikilvæga mælieiningu þegar kemur að kaupum og uppsetningu á hinum ýmsu græjum. Það stendur fyrir Wife Acceptancy Factor. Mér sýnist það fara að eiga hér við líka

helgibelgi wrote:Þetta lítur vel út hjá þér!

Ég þarf sjálfur að fara út í þetta bráðum líklega. SWMBO mun ekki leyfa ísskáp inni í stofu, alveg sama hversu mikinn frían bjór hún fær

Hehe, ég fékk val um að láta þetta líta þokkalega út, eða þetta færi niðrí bílskúr

æpíei wrote:Í öðru hobbýi sem ég hef (hljómtæki) er talað um WAF sem mikilvæga mælieiningu þegar kemur að kaupum og uppsetningu á hinum ýmsu græjum. Það stendur fyrir Wife Acceptancy Factor. Mér sýnist það fara að eiga hér við líka

Á klárlega við um þetta, fyrsta svar sem ég fékk var klárt nei. Þurfti mikið að sýna henni keezara á netinu sem litu þokkalega út áður en ég fékk að byrja á þessu verkefni

Og hann er alveg tilbúinn, er að njóta míns fyrsta bjórs af kút, amarillo pale ale

Glæsilegt. Hvenær getur maður kíkt við? Komdu með addressuna og maður kíkir í kaldann.

Bætti nýlega þessum handföngum á keezerinn, þarf núna bara að útbúa límmiða með mínu logoi á þá

Hvar er like takkinn þegar maður þarf hann?!?!?!?

helvíti flott hjá þér, þarf að redda mér svona litlum frysti, svo að kútarnir mínir nýtist einhverntíma, bjórinn drekkur sig ekki sjálfur útí skúr :/