Fágun

Sælir bruggarar;

Á hugmyndastigi vildum við ýmist biab, pott í pott eða þriggja potta kerfi. Við gátum ekki ákveðið okkur svo við völdum ódýrasta kostinn.

Við stefnum á að uppfæra fljótlega í pott í pott en höfum ekki enn fundið hentugan innri pott.

Svona lítur græjan okkar út, þetta er 100 L rústfrír pottur sem búið er að sjóða tvær suðumúffur (fittings) á. Við keyptum síðan 5500W element hjá Brew.is ásamt dælu, PID regli og relay.

Heildarkostnaður við smíðina endaði í 130.000 kr.

Hér að neðan má sjá myndir frá fyrstu lögun.



18" pizzanet sem stendur á rúnuðum boltum.


Potturinn gerður klár fyrir suðu.


Með því að skella svona tengiboxi yfir elementið verður þetta snertifrítt. Botninn á því er gataður svo hægt er að renna elementinu út og inn.


Stjórnboxið stillt fyrir fyrsta hitastig, 67°C, við erum með tvo rofa og ampermæli til að hægt sé að fylgjast með relayinu.


Pokanum komið fyrir í pottinum sem er um 50cm í þvermál.


Eftir að maður áttaði sig á því hve veikburða vírarnir eru frá dælunni þá komum við þessu boxi með nippli fyrir undir dælunni. Síðan var kapallinn tekkinn í gegnum nippilinn þannig hann gæti ekki slitið vírinn til dælunnar.


Þegar relayið var að draga þá fór straumtakan upp í 20 amper. Sem er um 5000W.


Þegar réttu hitastigi var náð var korninu hellt útí og hrært af krafti.


Við hrærðum við og við í pottinum þar sem dælan var ekki að þyrla korninu til nema í hluta pottsins.


Stjórnboxið gátum við notað sem þetta fína vinnuborð meðan við biðum.


Þarna var bílskúrinn farinn að ilma af kornlykt.


Næst var hitastigið sett upp í 75°C.


Þarna var súpan smökkuð og þetta var orðið dísætt.


Nú var komið að því að hífa kornið uppúr og kreysta. En fyrst þurftum við að kæla pokann aðeins.


Humlarnir voru síðan gerðir klárir meðan við biðum eftir að virtinn næði upp suðu.


Að lokum kældum við afurðina með kælispíral.


Þægilegt að nota dæluna til að þruma þessu á gerjunarföturnar. Við settum 21L á hvora fötu.


Hér er mynd innan úr stjórnboxinu.


Að lokum er mynd af gerjunarfötunum.

Fyrir áhugasama þá útbjó ég mynd af stjórnboxinu. Ég notaði engin rafmagnstákn eða neitt slíkt í von um að myndin gæti hjálpað eitthverjum sem gæti langað að smíða stjórnbox.

Ég mun uppfæra myndina við tækifæri en þetta er svona í grófum dráttum. Það helsta sem þarf að passa er að lögnin sem ber strauminn til elementsins sé nógu sver. Gott er að nota 3x4q tækjastreng fyrir 5500W element og síðan 1.5q töfluvíra í lagnirnar sem bera 230V straum um boxið ásamt 12V lögninni.

Flottar myndir og metnaðarfull byrjun.

Þetta er skemmtilegt, hvað er kvikyndið fljótt uppí suðu?

Velkomnir í sportið!

Flott myndasaga

Ég mæli svo með stærri poka fyrir humlana, það þarf að leika vel um þá í suðunni - Líklega meira en þetta.

Ég þarf að taka tímann á því hve lengi hann er að ná suðu en hann var ekki nema 20 mínútur úr 75°C upp í suðumark.

Ég vona bara að þetta hafi sloppið með humlana í þetta skiptið. Annars væri hægt að hnýta pokann stærri, þetta er bara sokkalaga-sekkur. Haldið þið að það myndi sleppa þannig eða mælið þið með því að ráðast í saumaskap og sauma stærri poka ?

Skemmtilegar myndi af flottri smíð.

Halldór.

Þetta er flott hjá þér

Mjög flott! Til hamingju með þetta!

Þú getur líka bara sleppt því að setja humlana í poka og hent þeim beint út í

Þarf ekki þá að sía þegar hellt er í gerjunartunnuna

elvislifir wrote:Þarf ekki þá að sía þegar hellt er í gerjunartunnuna

Ég geri þetta svona, fæ bæði aeration og sía gumsið frá (helli bara síðustu lítrunum yfir sigtið). Vissulega eru meiri þrif í þessu og jafnvel meiri sýkingarhætta en mér finnst það þess virði (þangað til fyrsta sýkingin kemur).

Ég sía humlana ekkert frá. Mega alveg fara í gerjunarfötuna fyrir mér. Skil þó megnið eftir í pottinum.

Sama hér, þetta fellur allt út í gerjunarfötunni, reyni að skilja meirihlutann eftir í pottinum, en það er í fínu lagi að slatti komi með.