Fágun

Sælir herramenn.

Ég er að koma mér upp smá heimabrugghúsi í bílskúrnum hjá mér, en við erum að taka allt í gegn og m.a. leiða heitt vatn í bílskúrinn. Ég bað píparann að setja vask og einn auka krana með köldu vatni. Mynduð þið ekki telja að þetta myndi nægja eða eru menn með helling af krönum fyrir vatn?

J

Veit ekki hvað maður hefur að gera við marga krana... Kannski ef tveir eru að vinna í einu, einn að brugga og einn að þrífa? Mér dugir einn krani vel.. Og er svo með slöngu sem ég tengi við hann þegar ég þarf.

Ég er bara með vatn úr blöndunartækjunum í skúrnum en ætla að láta bæta við kaldavatnskrana, þannig að mér líst vel á þá hugmynd hjá þér. Þá get ég tengt plötukælinn við hann án þess að teppa vaskinn. Líka sniðugt að vera með slöngu eins og Hrafnkell, til dæmis til að fylla í pottinn og spúla gólfið.

Flott. Ég verð með blöndunartæki í vaski + einn kaldavatnskrana fyrir kæliplötu og annað. Það dugar vonandi.

Ein varnaðarorð. Ég er með hitastýrð blöndunartæki í skúrnum hjá mér (gömul sturtutæki). Ég lærði af reynslunni að jafnvel þó maður stilli á köldustu stillingu þá er að renna heitt vatn með kalda vatninu. Þannig að ég mæli ekki með að nota sjálfvirk blöndunartæki!