Fágun

Er að fara að smíða Kegarator þar sem dælan verður ofaná borði og kælingin verður fyrstikista með hitastýringu. Stefni á að klára þetta í vor. Ef Fágun kemur einhvern tíman í heimsókn aftur þá verður þetta tilbúið.

En þær myndir sem menn hafa sett hérna inn eru allar af Kegarator með dælu á hliðinni en ég væri til í að sjá myndir af dælum sem eru ofan á borði. Er einhver með svoleiðis? Ef svo er endilega deilið myndum.

Eitt sem ég er að spá í er með lengd slöngu frá kút. Sé að menn eru með langar slöngur en er einhver formúla hvað hún á að vera löng?

Ég nota yfirleitt ca 3 metra af 4,7 mm vinyl slöngu við ca 12 psi, virkar vel hjá mér.

Þetta fékk ég frá Stulla þegar ég var að byrja að setja á kúta, ættir að geta notað þetta til að reikna út lengd.

"Viðnám slöngu er breytilegt eftir úr hvaða efni slangan er. Viðnámið fyrir vinyl slöngur er 3/16 tommu(4,7 mm) er 3 psi/fet en viðnámið fyrir 1/4 tommu (6,5mm) er 0,85 psi/fet.

6,5 mm slanga:

0,85psi/ft = 2,8 psi/m

x(lengd)*2,8 psi/m = 15 psi


x = 5,36 m fyrir 6,5 mm vinyl slöngu"

Fullt af towers til á kegconnection:
http://stores.kegconnection.com/Categor ... s%3ATowers" onclick="window.open(this.href);return false;


Ég er hugsanlega að fara að taka eitthvað smáræði frá þeim fljótlega, þetta gæti komið með ef þú vilt.

Frábært. Mig vantar tengið sem fer á tappana á kútnum. Einn fyrir CO2 og einn fyrir bjórinn. Er með borðdælu sem ég held að ég geti notað.

Ætla að reyna að finna út hvað mig vantar og sendi á þig póst. Klára þetta í dag eða á morgun.

Ég póstaði mynd af skápnum mínum hérna um daginn í kegerator brag þræðinum.

Ég er með turn ofaná ísskáp.

Ég sá hann einmitt. Flottur skápur. Er að spá í hvort ég eigi að fá mér svona turn eins og þú ert með eða nota Ceramic turn sem félagi minn á og ég get fengið. Gallinn er að hann er bara með einum krana en hann er voðalega voldugur og flottur. En verð ég fljótt brjálaður á því að vera bara með einn krana.

Sé reyndar að mig vantar bara svona tengi og slöngur. Er einhver með þetta á lager hér á landi?

Maður er bara svo spenntur að prófa græjurnar og ef ég kemst hjá því að bíða eftir þessu að utan þá væri það "nice"

Byrjaði á kegaratornum mínum. Smíðaði grind fyrir skáp og setti hjól undir frystirinn. Hugmyndin er að vera með skáphurðar fyrir skápnum í miðjunni og frystirnum. Svo þegar ég þarf að komast í fyrstinn þá rúlla ég honum út. Borðplatann er næsta verkefni og skápahurðar.
Dælan verður svo þarna í miðjunni.

Nú er ég búinn að setja upp dæluna mína og vantar "drip-tray".

Mig vantar hugmyndir hvar ég get fengið rist. Ég ætla að fella þetta inní borðið og setja svo bakka undir með niðurfalli sem ég leiði svo í tóma mjólkurfernu inní skápnum. Ég er með mann í að smíða bakkann en vantar einhverja góða rist. Ég hef verið að svipast eftir þessu en ekki dottið niður á lausn. Svo mér datt í hug hvort þið snillingarnir væruð með ódýra lausn.

Er með svona dælu og ristin þarf að vera ca 15*15. Endilega skjótið inn hugmyndum um hvar ég gæti dottið inná þetta.

spurning með rist úr niðurfalli...þær eru nokkuð nettar

Var reyndar að detta í hug að búa þetta bara til úr Plexigleri. Þetta kemur til með að falla inní glerborð og gæti verið soldið snyrtilegt að nota bara plexigler.

Þá er þetta tilbúið og vantar bara að brugga bjór í kútana. En svona til skemmtunar þá lítur þetta svona út í dag. Búinn að lakka 100 bjórmottur fastar á borðplötuna.
Svo er frystirinn hérna.

Hrikalega flott hjá þér! Öfund!

Djöfull er þetta orðið flott hjá þér

Þetta er alvöru ... fíla menn sem fara alla leið.

bergrisi wrote:Þá er þetta tilbúið og vantar bara að brugga bjór í kútana. En svona til skemmtunar þá lítur þetta svona út í dag. Búinn að lakka 100 bjórmottur fastar á borðplötuna.

kegarator1.jpg

Svo er frystirinn hérna.

kegarator2.jpg

mikið djöflulli er þetta flott. gaman þegar menn gera meira en bara tala um hlutina

Takk fyrir ykkar komment.

Nú verð ég að fá mér lás á dæluna því þriggja ára sonurinn var búinn að láta örugglega 10 lítra renna á gólfið þegar ég kom heim af vellinum í kvöld. Sem betur fer var það bara vatn sem ég var með í kútnum til að prófa græjurnar.

Svo ef Hrafnkell pantar af kegconnection þá verður það einn lás fyrir mig.