Fágun

Heil og sæl, öllsömul.

Þetta er lofsverður umræðuvefur sem hér hefur verið komið á laggirnar - eða í gerjun, ef vill. Hér má þegar finna margvíslegan fróðleik og hið vænsta fólk, að því er mér virðist.

Ég á enn eftir að þreyta frumraunina í ölbruggun, en er þó búinn að velja viðfangsefnið og kaupa megnið af hráefnunum. Sem mat- og ölgæðingi finnst mér ekki rétt (bragðlaukanna vegna) að byrja á tilbúinni duft og vatn lausn, og gróf því upp áhugaverða uppskrift af Braggot; velskur hunangsmjöður sem þó nýtir malt og humla líkt og góð öl.

Mun eflaust láta ljós mitt skína frekar þegar ég byrja að sjóða og hræra.

Hjartanlega velkominn.

Braggot er held ég ekki flokkaður sem mjöður, frekar en bjór... Þetta er akkúrat mitt á milli. Einmitt stíll sem ég hef lengi verið spenntur fyrir. Láttu endilega vita hvernig gengur!

Einmitt þetta með flokkunina sem er nokkuð ruglingslegt. Líklega þarf alveg nýtt nafn á þetta brugg, t. d. "mjölur" (þó ekki "mjöl") úr miði og öli?

Er sem stendur að afla mér tilboða í stálpott áður en ég yfirgef landið um skamma hríð. Reikna með að byrja um næstu mánaðamót.

Blessaður Sigurður og velkominn á svæðið.

Mjölur er alla vega betra orð en það sem mér datt í hug: ,,Bjöður". Hljómar eins og ,,viðbjöður..."

Skál!

Mjölur er cool orð fynnst mér

Væri gaman að heyra hvernig þetta smakkast!

Fannst eins og ég hef svarað þessu en ég hef örugglega ekki ýtt á "submit"
Það væri örugglega skemtilegt að prufa að gera braggot, ég myndi þá humla það
en hvernig er skilgreiningin á braggot, þarf ákveðið hlutfall að vera hunang og ákveðið hlutfall að vera korn?