Fágun

Langar til að heyra hvernig ykkur finnst best að þurrhumla.

Aldrei gert það áður en stefni á að redda mér poka úr polyester (voile) og fylla hann af humlum og skella
í ílátið í 7 daga í seinni gerjun.

Það er líka hægt að gera pressukönnu þurrhumlun. Það er trúlega hreinlegasta aðferðin við að þurrhumla.
Þú getur flett þeirri aðferð upp á spjallborðinu.

Það var langur ítarlegur þráður um þetta hérna fyrir ekki svo margt löngu síðan.

Ég mæli með því að tékka á honum og rúlla í gegnum brewing network þáttinn (Jamil Show) þar sem þetta efni er tekið fyrir, linkur á þann þátt í hinum þræðinum. Ef þú vilt minnka hop haze og líkur á að fá humlaagnir í bjórinn, minnka fyrirhöfn og annað þá er pressukönnuhumlun virkilega spennandi kostur.

Ég hef notað pressukönnu aðferðina og var sáttur með útkomuna.
Ég sumsé sauð vatn, lét aðeins rjúka úr því mesta hitan (niður í svona 75-80° minnir mig) dúndraði í pressukönnu ásamt dágóðum slatta af humlum.
Svo smellti ég sykurvatni í suðu í smá stund eins og vaninn var.
Leyfði humlavatninu að kólna á meðan.
Leyfði svo báðum sósunum að kólna niður á meðan ég var að græja og sótthreinsa yfir flöskur, fötur og slöngur o.þ.h.
Að lokum hellti ég sykurvatni og humlateeinu í átöppunarfötuna mína, og hívertaði svö ölið yfir allt saman og lét blandast vel áður en ég fyllti á glerið.

Niðurstaðan var æði og mjöög einfalt. Gerði þetta bara á meðan ég var hvortsemer að stússast við áfyllingu.

Eftir þetta hef ég einmitt hugsað hvernig væri að nota eitthvað ávaxtatee, appelsínute, green tea með lime o.s.frv. og útbúa smá tee og blanda við ölið fyrir áfyllingu. Hvort það myndi skila góðum drykk eða skemma bara. Einfalt kannski að prófa t.d. 1/3 af einhverri lögun, en ég hef sumsé ekki gengið þetta langt.

En er það ekki einmitt hugmyndin með þurrhumlum að gera þetta kalt, hefur hitinn ekki áhrif á humlalygtina?

Ég held reyndar, skv því sem ég les, að menn reyni að þurrhumla við stofuhita. Það eru ýmsar skoðanir um þetta, en venjulega eykst leysni með hita. Hinvegar eru 2 skólar í þessu eins og flestu öðru í þessu bruggi.

Ég fleytti IPA yfir á glerkútinn minn, setti bara humlana fyrst og svo bjórinn yfir. Þetta endar mest á botninum hvort eð er.

Ég er hrifinn af þessari hugmynd um pressukönnuna, ég á nefnilega ekki tvö gerjunarílát.

Hvernig er það verður þá dýrindis humlaangan af kaffinu hjá manni næstu vikurnar?

Spurning hvort frúin yrði ánægð með það.......