Fágun

Sælir og sælar (ef einhverjar;))

Ég heiti Kristinn og er búsettur í Árhus. Ég vil byrja á að segja:

"frábært framtak"

Þetta er mögnuð síða og gaman að geta verið meðlimur af íslenskri bruggsíðu.
Mér var bent á síðuna af nIceguy (Freysa) sem er nágranni minn hérna í Dk og ég hef því fengið að vera tilraunadýr þegar kemur að brugginu hans...mjög ánægjulegt starf!

Ég hef verið mikill áhugamaður um bjór síðan ég flutti til Dk fyrir sjö árum, reyndar eyddi ég fyrsta árinu í að drekka ódýrustu pilsnerkassana í búðunum og fékk all svakalega ógeð á ódýrum bjór. Eftir það fór ég að prófa fleiri tegundir og þá opnaðist algjörlega nýr heimur fyrir mér. Ég keypti bjórleksikon þar sem var smá kynning á heimabruggi og eftir það kviknaði í mér löngun að brugga. Litlar kollegisíbúðir og skortur á peningum hafa hinsvegar verið tvær lélegar afsakanir fyrir að byrja ekki, en núna ákvað ég að kýla á þetta í stað þess að tala og hugsa um þetta stanslaust.
Ég er búinn að panta sett sem ég fæ vonandi á morgun, og fyrsta batchið verður belgískur Wit.
Ég er búinn að kynna mér efnið mjög mikið og hef ákveðið að skippa maltextract stiginu og fara beint út í all grain. Ég hlakka mjög mikið til að byrja og það verður spennandi að sjá hvort það takist að gera eitthvað drykkjanlegt í fyrstu tilraun.

Bestu kveðjur

Krissi

Velkominn Krissi!

Gaman að heyra að þú ætlir að kýla beint á all-grain, það verður spennandi að fylgjast með þessu.

Óli í 130.

Blessaður og takk fyrir það

Það verður spennandi að sjá hvernig þetta á eftir að ganga þegar maður byrjar all grain. Það eru mikið af góðum síðum á netinu þ.a. ég hef fulla trú á þessu, en þetta kemur allt í ljós.

Krissi

Velkominn, var að ljúka við að horfa á Klovn þátt þar sem þeir eru í einhverjum bjórklúbb og vilja stuðla að betri bjórmenningu
Í ölsins veröld erum við allir jafnir segja þeir þar.
Er úrvalið af all grain korni og tólum ekki sæmilegt í .dk?

Takk fyrir það.
Það virðist vera mjög gott úrval hérna, en til að byrja með ætla ég kaupa tilbúnar uppskriftir og svo getur maður aðeins farið experimenta og skoðað almennilega hvaða möguleikar eru fyrir hendi.

Annars er bara að segja:

"I maltens rige er vi alle lige...skåååååååååååååååååål"
Þetta eru algjörir snillingar.

Krissi

Velkominn.

Velkominn Krissi
Fágun er greinilega kominn með sterk ítök í baunaveldi. Gangi þér vel með all grain

Þakka góðar móttökur, Fagun er að verða með gott útibú hérna í Dk

Blessaður Kriss velkominn. Það gekk greinilega vel hjá þér í dag...fyrsta bruggið. Til lukku!

Útrásargerlar!