Fágun

Erum að sjóða mais fyrir 56 lítra lögun

7 kg. Pale (63.8%)
3 kg. Mais (27.2%)
0.5 kg. Hveiti (4.5%)
0.5 kg. CaraRed (4.5%)

Beiskja með Amarillo eða Columbus og svo 1 oz. Saaz í 22 min upp að 26 IBU

Stefnan er að gera léttan bjór handa hverjum sem er, ekkert fancy, bara plain.

OG 1.055
SRM 4
IBU 26
US-05 ger úr 1.5 l. starter

Hvernig undirbýrðu maisinn ?

Notum maismjöl og sjóðuð það í 30 min í meskjunartunnunni.

Setjum það út í kalt vatn svo það fari ekki í kekki, hitum svo með tvem elementum og heitu kranavatni í gegnum innbyggða kælispíralinn til að ná fljótt upp hita

Það stendur til að gera stout á næstunni, spurning um að vera duglegir og taka slatta af myndum og pósta hérna, en þá ætlum við einmitt að sjóða bygg með sama hætti.

Ef þú notar byggflögur í stoutinn sleppurðu við að gelatínísera það fyrir meskinguna, þar sem það hefur þegar gerst þegar byggið var flatt út. Þú getur bara hent flögunum beint út í meskinguna, eins og höfrum.

Jú ef við værum að nota "flaked barley"

Við eigum bara ekki þannig flottheit og ætlum að nota byggflögur úr heilsuhorni fjarðarkaups, þær þarf að sjóða

Feðgar wrote:Jú ef við værum að nota "flaked barley"

Við eigum bara ekki þannig flottheit og ætlum að nota byggflögur úr heilsuhorni fjarðarkaups, þær þarf að sjóða

Þær flögur hef ég notað með góðum árangri, og aldrei soðið, heldur skellt beint út í meskikerið með öðru korni.

Nei, það þarf ekki að sjóða þær. Ég hef notað alls konar svona flögur (hafra-, hveiti-, spelt-, bygg-) og aldrei soðið neitt. Alltaf verið vandræðalaust.

jahá, þið segið nokk.

Og hvernig hefur nýtnin verið, alveg fengið þokkalega út úr bygginu þó það hafi ekki verið soðið

Mjög góða. Eitt sinn gleymdi ég því í uppskriftinni, en mundi eftir því þegar meskingu var að ljúka. Nýtni fór fram úr öllu valdi í það sinn.

Ég hef notað jafnt hveiti- og byggflögur með þessum hætti, og það hefur aldrei komið að sök. Verðlaunabjórinn minn (stout) er til marks um það.

Já, ég hef sömu sögu að segja. Nýtingin hefur aldrei minnkað allavega. Ég hef ekki pælt í þessu nógu vel til að skoða hvort hún hafi eitthvað aukist.

Talandi um stout, ég sá einhversstaðar að sumir henda hluta af bygg og hafraflögum út í suðupottinn (í poka) síðustu 10 mínúturnar, fá þannig sterkju og prótein í virtinn til að auka boddý og mouthfeel. Hef ekki prófað það sjálfur...