Fágun

Hann Rúnar (bergrisi) hefur boðist til að halda mánudagsfund októbermánaðar heima hjá sér í Keflavík. Í bruggskúrnum sínum er hann með billiardborð og píluspjald (ásamt bruggbúnaði býst ég við )
Ef þetta leggst vel í menn og þáttaka er næg mun Fágun athuga með að leigja rútu og fá þá fullgildir félagsmenn að sjálfsögðu sérstakt félagaverð.
Rúnar segist geta tekið við í kringum 20 manns í man cave-ið sitt og það væri frábært að ná þeim fjölda til að fá betri díl á rútu.
Gert er ráð fyrir að leggja af stað frá Reykjavík um kl. 19.30 þann 3. október og vera komnir í bæinn rétt upp úr miðnætti.

Látið endilega vita hér í þræðinum hvort þið hafið áhuga á að mæta.
Ath. skráning hér í þráðinn er ekki bindandi.

Ég hefði áhuga á að mæta.

Set þetta á planið

Hef áhuga

Hef áhuga

Vonandi næst góð þátttaka. Verður fínt að fá ykkur í heimsókn og ég ætti að vera með nokkra mism. bjóra tilbúna. Eru að lagerast núna. Ef fjöldi áhugasamra er yfir 20 þá er það bara fínt. Við erum ekkert að takmarka þetta. Hertökum bara stofuna og þess vegna pottinn líka ef mæting verður gríðarleg.

Hlakka til að fá ykkur suður.

Við feðgarnir munum án efa mæta.

En þar sem við erum búsettir í keflavík þá þarf ekki að útvega okkur far, tveir jafnskjótir duga okkur fínt

Ég hefði áhuga á að fara með.

ég hefði mikinn áhuga á að kýkja með, alltaf gaman að læra eitthvað nýtt

Ég mæti að sjálfsögðu. Með skýluna.

Við Hjölli mætum galvaskir.

væri til að kikja er lika i Keflavík en hvað er gert á þessa fundi ?

Allir velkominir? Ef svo er þá væri ég hugsanlega til í að kíkja, er í kef þannig ég þyrfti ekki að fá far með rútu.

Allir velkomnir. Verður bara gaman að ræða málin.

Kveðja
Rúnar

Er mjög spenaður fyrir þessu

Þá hafa eftirfarandi aðilar sýnt rútuferð á Keflavíkurfund áhuga:
hrafnkell
andrimar
bjarkith
helgibelgi
viddi
Benni
gunnarolis
gugguson
Hjölli
ulfar
Samtals 10 manns

Ég er búinn að hafa samband við tvö rútufyrirtæki og biðja um tilboð í þessa ferð. Ég mun væntanlega fá svar á morgun og mun þá pósta hér hvað þetta kæmi til með að kosta.
PS. Ég bað um tilboð í 10-20 manna rútu(r) þannig að við erum alls ekkert að takmarka fjöldann við 10 manns.

Ég kemst því miður ekki með þar sem ég verð staddur í flugvél á leið til Flórída

Ég læt mig ekki vanta!

Ég er til!

Ég er enn ekki búinn að fá verð frá þessum aðilum sem ég hafði samband við. Ég rek á eftir því ef ekkert er komið um hádegisbil á morgun (fimmtudag).

Mig hlakkar mikið til að fá ykkur í heimsókn. Viss um að þetta verður mjjög skemmtilegt og fræðandi fyrir mig svona byrjanda í bjórgerðinni.

Til að tíminn líði fljótar þá ætla ég að skella mér á bjórráðstefnu til þýskalands í fjóra daga. Ráðstefna sem er betur þekkt sem Oktoberfest. Mun samt kíkja hingað inn á hverjum degi á uppáhalds síðuna mína. Vonandi hef ég vit á því að skrifa ekki inná síðuna en ef ég geri það þá takið því með fyrirvara því ég verð með óhóflegt magn af bjór innvoltis.

Vertu duglegur að taka myndir, verður svo með ferðalýsingu á fundinum

Jæja þá er komið verð í rútuna.

Félagsmenn: 1.000 kr.
Allir aðrir: 2.000 kr.

Fjöldi takmarkast við 19 manns sökum stærðar/smæðar rútunnar.

Lagt verður af stað kl. 19.30 frá BSÍ, mánudaginn 3. október. Lagt verður af stað í bæinn aftur (til BSÍ) kl. 23.45.

Greiða skal inn á reikning 0323-26-63041, kennitala 6304102230, fyrir lok föstudagsins 30. september og senda kvittun með notandanafni á pontun.fagun@gmail.com

PS. Ef menn vilja nýta tækifærið og skrá sig í félagið, bendi ég á skráningarþráðinn

PPS. Formlegur þráður fyrir þennan mánudagsfund hefur verið stofnaður hér

Kveðja,
Stjórnin

Jæja, er að logga inn í fyrsta skipti í einhverja mánuði.
Hvernig var hjá ykkur? Ég þarf að kíkja á næsta fund

Var loksins að tæma myndavélina og fann þessar myndir frá oktoberfundinum.