Fágun

Sælir Fágunarmenn.

Þá er komið að annari pöntun í samstarfi við Vínkjallarann.

Markmið pöntunarinnar er að auðvelda félagsmönnum að verða sér úti um hráefni og áhöld í bruggið, og er samskotinu ætlað að lækka hlutfallslegan sendingarkostnað hvers og eins. Pöntuninni er á engan hátt ætlað að grafa undan innlendum aðilum í sama bransa, og eru menn beðnir um að halda umræðu um það í aðskildum þræði.

Fyrirkomulagið á pöntuninni verður það sama og síðast, með þeirri breytingu einni að nú verður ekki bara staðfestingargjald, heldur verður að greiða áætlaðan heildarkostnað á vörunum þegar pöntun er staðfest. Eftir að vörurnar koma til landsins verður reiknað endanlegt verð og mismunurinn gerður upp. Er þetta gert vegna þess að einhverjar pantanir úr síðustu sendingu voru sóttar mánuðum eftir að þær komu til landsins. Félagið hefur ekki fjárhagslega burði til þess að vera lager fyrir félagsmenn, þannig að svona verður þessu háttað héðan af. Þar sem er komin ákveðin reynsla á fyrirkomulagið ætti skekkja í áætluðum útreikningi að vera lítil, og því ættu eftirstöðvar af pöntuninni að vera litlar.

ATH! Eingöngu aðilar skráðir á vefsíðuna fagun.is geta pantað vörur. Fullgildir félagsmenn fá hagstæðari kjör en aðrir enda er umsýsla í höndum félagsins. Þar sem gjaldkeri félagsins er erlendis verða það fullgildir meðlimir á síðasta aðalfundi sem teljast til þessara aðila.

Lokadagsetning pöntunar er 24. Júní. Fresturinn er stuttur, því er um að gera að draga ekki að velja sér góðgæti í pöntun. Allar pantanir þurfa að berast fyrir miðnætti 24. Júní, pantanir sem berast eftir það verða ekki teknar gildar.

Hægt er að panta með því að senda tölvupóst á netfangið pontun.fagun@gmail.com.
Fyrir hverja pöntun þarf að tilgreina:
* Fullt nafn
* Kennitala
* Notendanafn á fagun.is
Fyrir hverja vöru þarf að tilgreina:
* Nafni vörunnar af vefsíðunni, t.d.spraymalt powder amber 5 kg
* Vörunúmer t.d. 052.026.2
* Verð á vef, t.d. EUR 30,17
* Fjöldi, t.d. 2
Heildarverð er uþb verði í evrum * gengi dagsins * 1,4 (flutningskostnaður + gjöld + álagning) * [1,07 (vsk fyrir matvæli) eða 1,255 (vsk fyrir aðrar vörur)]
ATH! Hér er eingöngu um nálgunarverð að ræða og getur því hækkað/lækkað eftir atvikum.
Greiða þarf staðfestingargjald sem er um það bil heildarverð pöntunarinnar áður en pöntunin er send til Vínkjallarans. Greiðsluupplýsingar verða sendar sem svar við hverri pöntun og staðfesting á móttöku pöntunar.

Dæmi um pöntun:
Ingemar Stenmark, kt. 111111-1111
SkidaIngi

spraymalt powder amber 5 kg 052.026.2 EUR 30,17 1
dried brewing yeast SAFALE S-04 11.5 gr 050.005.8 EUR 2,60 6

Pöntun verður sjálfkrafa ógild ef gjald er ekki greitt fyrir lokadagsetningu pöntunar.

Viljir þú hætta við pöntun getur þú sent tölvupóst á netfangið pontun.fagun@gmail.com þess efnis fyrir lokadagsetningu pöntunar, þar sem þú tilgreinir nafn, kennitölu og notendanafn á fagun.is.

Kveðja, Stjórnin.

Ég var að tala við Bernhard hjá Vínkjallaranum, og hans pöntun er ekki alveg tilbúin, þannig að við lengjum frest til að leggja inn pöntun.

Nú verða allar pantanir að berast fyrir 24. Júní. Verðin síðast voru nokkuð góð, þannig að það er um að gera að nota tækifærið og uppfæra búnaðinn.

Ekki er búið að senda pósta á þá sem hafa lagt inn pantanir, en það verður gert nú þegar nær dregur pöntun. Slatti af pöntunum hafa dottið inn á pósthólfið og stendur úrvinnsla á þeim yfir.

Kv Stjórnin.

Mig langar að biðja þann sem sá um að pilla verðupplýsingarnar útúr pdf skjalinu frá brouwland og yfir í excel að hafa samband, mig vantar uppfærðan verðlista, væri mjög vel þegið að fá hann aftur eins og síðast.

Ef þið hafið spurningar um pöntunina getið þið spurt hér í þessum þræði.

Ég legg til að félagið noti pöntunina til að laða að nýja meðlimi og breyti því reglunni hér að ofan varðandi félagaafsláttinn þannig að þeir sem eru fullgildir félagar þegar lokauppgjör fer fram fái félagaafsláttinn.

Velltur auðvitað á því að gjaldkerinn verði kominn heim þegar lokauppgjörið fer fram.

Það er nokkuð góð hugmynd.

gunnarolis wrote:Mig langar að biðja þann sem sá um að pilla verðupplýsingarnar útúr pdf skjalinu frá brouwland og yfir í excel að hafa samband, mig vantar uppfærðan verðlista, væri mjög vel þegið að fá hann aftur eins og síðast.

Ég var víst sá gaur.

Ég skal athuga hvort þetta rúlli ekki núna á nýja verðlistan og senda þér i töflu.

Glæsilegt.

Ég uppfærði skjalið...

Allavega, þetta einfaldar útfyllingu á pöntun.

Ath, það ætti að vera nægilegt að fylla uppí "ljósbláu" reitina á pöntunar sheetinu og svo notendaupplýsingarnar á forsíðu.

Kannski vill stjórnin laga þetta til.

Ég tek samt að sjálfsögðu enga ábyrgð á því að þetta sé allt rétt, en prufur skiluðu réttri niðurstöðu. Það eru einhver "dæmi" í útfyllingu sem þarf að þurrka út eða yfirskrifa að sjálfsögðu....

Ég reikna með að kaupa flögur og bætiefni ásamt einhverjum tólum jafnvel.

Jæja. ég er að setja inn pöntun..seinasti séns.

Rakst á villu í skjalinu. Reitur B16 í "sheet=Lykilupplýsingar" er formúlan fyrir "Áætlað verð röng"

Þar er "=SUM(Pöntunarblað.H3:H551)" en ætti að vera "=SUM(Pöntunarblað.H2:H551)"

Útreikningar á pöntunarblaðinu eru réttir, en það vanntar fyrstu línuna í "áætlað verð" á forsíðunni.

Ég sendi tölvupóst um pöntun þann 23. en hef ekki enn fengið neitt svar með upplýsingum um hvert á að greiða, er e.t.v. ekki búið að senda þær upplýsingar út?

Þetta tafðist aðeins, póstur um greiðslu og annað fer að berast mönnum í pósti.

Ég fyllti ekki út neitt pöntunar blað, sendi bara póst eins og nefnt var í fyrsta póstinum.

Breyttist það fyrirkomulag einhvað eða var ég einhvað að misskilja

Ég sendi póst, með pöntunareyðublaði reyndar, en hef engar staðfestingar fengið.
Reikna með að þetta sé enn á bið.

Það er verið að vinna úr pöntunum, allir fá póst í kvöld með stafestingu og upplýsingum um greiðslu. Ef þið verðið ekki komin með póst á miðnætti í kvöld, þá getiði farið að hafa áhyggjur og haft samband.

Nú ættu allir að hafa fengið staðfestingarpóst í pósthólfið sitt. Vinsamlegast athugið hólfið.

Kv vinir ykkar í Stjórninni.

Var þetta komiðo af stað út?

Gaman væri að fá létta "statistics" yfir hvað margir eru að pannta og svona hvað var helst valið eins og seinast? Gefur manni hugmyndir Spennandi að sjá.
Seinast þegar panntað var enginn að selja korn hérlendis, spurning hvernig þetta er núna?

Sendingin veltur nú á Vínkjallaranum. Ég veit að Bernhard hefur verið erlendis í sumarleyfi, þannig að það gæti verið að pöntunin fari ekki fyrr en á mánudag.

Ég er ekki heima eins og er, en ég skal henda inn léttri statistík yfir pöntunina þegar ég kemst í eigin tölvu. Ég get þó sagt það eftir minni að það voru ekki alveg jafn margir sem pöntuðu í þetta skipti, og alls ekki jafn mikið af malti og síðast. Gæti verið útaf því að innlendir aðilar eru að bjóða malt á mjög góðu verði, keypt inn í magni. Það er í sjálfu sér vel og eins og áður hefur komið fram eru pantanirnar ekki gerðar til að grafa undan innlendri sölu.

Upphæðin verður eitthvað lægri en síðast líka. Nákvæmar tölur síðar...

Kv Stjórnin.

Jæja núna þurfa að fara að koma einhverjar fréttir

Feðgar wrote:Jæja núna þurfa að fara að koma einhverjar fréttir

x2 á það, er með eplavín í tunnu sem ég þarf að fara að koma í gler

Ég ætla að hafa samband við Vínkjallarann á morgun og athuga stöðuna á þessu, náði ekki í hann í dag.
Ættu að vera einhverjar fréttir þá.

Ég hringdi í þá áðan og hann sagðist búast við þessu eftir 2 vikur.

Ég kom við hjá honum á föstudaginn og þá vænti hann hennar eftir 4 vikur

Þetta er það sem hann sagði við mig, ég get lítið annað en trúað því sem hann segir mér...

èg var ekki að rengja þig, bara að segja að èg hefði litla trù à að þetta gæti verið komið eftir 2 vikur

Tvær vikur liðnar samkvæmt mínu dagatali, er nokkuð nýtt að frétta?