Fágun

Góðan og blessaðan...

Nú er ég með rauðvín í vinnslu og senn líður að því að tappa á flöskur. Ég á einhvern slatta af rauðvínsflöskum með skrúftappa, og var að velta því fyrir mér hvort þær væru í lagi undir heimabruggið, eða hvort það væri algjört no-no og aðeins sé hægt að nota korktappa fyrir þetta?

kv.
Mundi

Ég hef notað flöskur með skrúfutappa, en ég drekk alltaf þær flöskur fyrst, veit ekki hvernig er að geyma lengi í þeim

Ég efast um að þú getir lokað flöskunum nógu þétt með skrúftappa. Svona tappar aflagast mjög auðveldlega, og ég held að það sé alveg öruggt að súrefni myndi leka inn, og vínið yrði staðið frekar fljótt. Eflaust fínt að nota þá ef þú sérð fram á að geta drukkið þær flöskur snemma, en þetta er örugglega fatalt upp á langtímageymslu.

Ég myndi hins vegar fara varlega í sótthreinsunina á þessum töppum. Nú veit ég ekki hvaða málmur er í þessu, en klór getur farið illa með suma málma. Ég held að maður sé oftast nokkuð seif með joðófór, en þori ekki að sverja fyrir það. Það gæti verið skynsamlegast að sjóða þá bara, til að vera öruggur. Ég er ekki manna fróðastur um málma, en finnst betra að fara varlega í þessum efnum (ef einhver veit betur en ég, endilega leiðréttið mig - ég er bara að fabúlera).

Takk fyrir svörin, ætli maður verði ekki bara að redda sér venjulegum flöskum, nenni ekk að lenda i veseni með þetta

Ég hef margoft notað flöskur með skrúfutöppum. Setur bara kork og svo tappann yfir.

Það svínvirkar og er smekklegt!

Já, hægt að seta kork í flestar skrúftappaflöskur.

Svona er maður einfaldur, spáði ekki einusinni í því hvort það væri hægt að setja kork í flöskurnar Takk takk.

Ég hef líka notað skrúftappaflöskur og ýmist brætt hettu yfir tappan eða hreynlega teipað tappann til að þétta. En korkurinn er klárlega bestur