Fágun

Sælir félagar

Smá pælingar hér. Er búinn að fara í gegnum fimm all-grain laganari og það hefur bara gengið ágætlega. Nema að afrennslið úr suðupottinum hefur stundum verið að stríða mér og núna síðast var allt stopp (þurfti að lokum að ausa úr pottinum í kútinn!).

Potturinn er ca 50 l stálpottur keyrður með 2 kW elementi + 2 kW lausri hellu. Það eru ýmist heilir humlar eða kögglar sem ég hef notað en núna síðast voru það bara kögglar. Potturinn er líklega með 3/8 krana frekar en 1/2".
Í fyrstu lögununum stífluðu blómin af heilu humlunum stundum kranann þ.a. ég bætti klósettbarka fyrir aftan hann til að koma í fyrir stíflur. Það er þó greinilega ekki alveg að virka sem skyldi.

Hvernig hafið þið tæklað þetta?
Koma humlapokar í veg fyrir svona leiðindi?
Hvað er lengi að renna úr pottinum í kútinn hjá ykkur?

með gerjunarkveðju
D

Þú getur notað humlapoka í suðunni til að losna við stíflur..

ég hef notað humlapoka, en núna er ég með vírbarka í botninum sem ég dreg virtinn í gegnum þegar ég tæmi pottinn.

hvorutveggja virkar fínt.

Ég nota humlapoka.

Margir hafa notað "Bazooka screen" eða álíkar klósettbarkaaðferðir með mis góðum árangri. Margir lenda í miklum vandræðum með því að nota klósettbarka og segja að allt hafi stíflast eins og hjá þér.

Ég myndi byrja að nota humlapoka eða fara í róttækar pælingar með staðsetningu+stærð+lögun á klósettbarka og endurhugsa allar tæklanir við tæmingu á pott.

Takk fyrir það.

Það er ljóst að ég prófa pokana í næstu lögn

En þið sem eruð með hitaelement í pottinum. Er engin hætta á að elementið brenni gat á pokann? Þarf að hengja hann upp?

-kristfin, hvernig vírbarka ertu með?

kv
D

Það hefur ekki komið fyrir mig, en ég læt pokann ekki fylla allt suðupottsrýmið.

ég nota það sem við höfum kallað rangnefninu klósettbarka. það hefur ekki valdið mér neinum vandræðum, en trikkið er að þegar maður byrjar að tappa af, að gera það ofurvarlega og taka svona 1-2 mínútur til að opna alveg. þá kemur maður í veg fyrir að barkinn stíflist.

en með humlapokana þá bara lætur maður þá hanga, hafa bara nógu stóra svo það geti leikið mikið vatn um humlana

Ég er búinn að vera að pæla í að smíða svona: http://www.ihomebrewsolutions.com/index ... &Itemid=64" onclick="window.open(this.href);return false;

Virðist vera nokkuð pottþétt.