Fágun

Sælt verið bjórgerðarfólkið.

Við höfum verið að kynna okkur leyndardóma maltaðs byggs og gerjunar nokkrir félagar á Ísafirði.
Ég er að þessu við 2-3 ja mann og hef óhemju gaman af. Truflar svefn liggur mér við að segja. Við erum búnir að leggja í tvo á eigin spýtur, en bíðum enn eftir útkomunni. Allt lofar þó góðu og brauðið sem ég hef bakað úr byggeftirstöðvunum er aldeilis frábært.
Ætla mér að varpa fram einhverjum spurningum hér á vefinn eftir því sem forvitni minni vindur fram. Fyrst kannski um lageringu.

Westan kveðjur

Velkominn á spjallið Gísli, enn stækkar Westfjarðadeildin
Láttu bara vaða ef þú hefur spurningar, það er sko nóg af okkur besserwisserum hér til að svara og gæti verið að þú fáir skynsamleg svör svona inn á milli

nóg pláss fyrir vestfirðinga hér. ég er nú fra arnarfirði þannig að ég er næstum því í þeirri deild.

vertu bara duglegur að spyrja.

velkominn

Sæll og velkominn Gísli.

Deildin er að verða orðin ansi stór þarna fyrir vestan. Hittist þið reglulega?

Takk fyrir góðar kveðjur.

Já það fjölgar hér um slóðir.
Við rekum inn nefið hver hjá öðrum þegar lyktin fer að berast. Alltaf gaman að því.

Við skipuleggjum smakkkvöld fyrir jól vonandi, þá ættu allir að eiga eitthvað gott.

Oli wrote:Við skipuleggjum smakkkvöld fyrir jól vonandi, þá ættu allir að eiga eitthvað gott.

Hafði heyrt því fleygt og líst vel á. Okkar fyrsti ætti að hafa búið 2 vikur á flöskum um miðjan des.

Það er voða hætt við að hann verði ekki orðinn almennilega kolsýrður eftir 2 vikur á flöskum. Ég lageraði Kölsch í 3-4 vikur í ísskáp, og hann tók góðar 4-5 vikur að ná fullri kolsýru. En hann verður sennilega vel smakk hæfur.

Velkominn
Brauð segir þú af "eftirstöðvum"
endilega settu inn uppskrift afþví

Bjössi wrote:Velkominn
Brauð segir þú af "eftirstöðvum"
endilega settu inn uppskrift afþví

Þetta er Jamie Oliver uppskrift með byggviðbót:
625 ml volgt vatn + 1 matskeið þurrger + 2 matsk. sykur + 2 matskeiðar Maldon salt (mikið minna ef ekki Maldon)
hrært duglega saman
blandað út í 1 kíló hveitis og hnoðað mjög rækilega
300 grömm af röku notuðu byggi spaðhakkað í matvinnsluvél og hnoðað saman við deigið
Hefað í 30 mínútur
Hellt í brauðform (eða tvö) og hefað í aðrar 30 mínútur eða svo
Bakað við 180 gráður í 45 mínútur.

gislihh wrote:2 matskeiðar Maldon salt (mikið minna ef ekki Maldon)

Ég hefði talið einmitt öfugt á við þessa fullyrðingu þar sem að Maldon saltið á víst að gefa meira saltbragð með minna magni.

sigurdur wrote:

gislihh wrote:2 matskeiðar Maldon salt (mikið minna ef ekki Maldon)

Ég hefði talið einmitt öfugt á við þessa fullyrðingu þar sem að Maldon saltið á víst að gefa meira saltbragð með minna magni.

Það kann að gilda ef málið er gefið upp sem þyngd. En Maldon er rúmmálsfrekt og þar liggur skýringin.

Annars er ég að gera tilraun með að blanda saman gerdeigi og súrdeig, þar sem súrdegið er samsett úr notuðu byggi og e.t.v. rúgmjöli.
Fyrsta tilraun lofar góðu og ég ætla að gera fleiri.
Mun þá kannski gefa ykkur skýrslu í matardálknum ykkar.