Fágun

Sælir félagar,

Búinn að lesa heilmikið hjá ykkur hérna og læra margt - styttist í að maður fari að færa út kvíarnar í eitthvað meira en extrakt bruggun

Ég skellti 2 Geordies kittum úr europris saman í eina blöndu og setti báða gerpakkana út í.

OG var 1.045 og þetta er búið að vera núna rúmar 2 vikur í gerjunarkútnum - nokkrir dagar síðan ég varð var við nokkuð bubbl. Ég mældi gravity í gær og það var í 1.020.

Mín spurning er þá sú hvort það sé í lagi að setja annan pakka af geri út í núna, eða hvort það komi til með að eyðileggja þetta alveg?

kv.
Mundi

Það ætti ekki að eyðileggja neitt. Hinsvegar er spurning hvort það geri eitthvað, kannski stoppar þetta kit bara í 1.020. Hvað segja leiðbeiningarnar um það?

Minnir að það hafi verið 1.006 í leiðbeiningunum, en leiðbeiningarnar tala líka um að nota sykur sem er væntanlega auðmeltanlegri fyrir gerið. Ég prófa bara að skella meira í þetta í kvöld og sé hvað gerist

Það er ekki óþekkt að það sé bætt við geri eftirá til að klára gerjun þegar maður er kominn með karakterinn sem að maður vill.
Skelltu us-05/nottingham eða því geri sem að þú vilt til að klára gerjunina.

það er þekkt í þessum kittum að gerið sé í minna lagi því það er gert ráð fyrir sykri, sem er auðgerjanlegri.

reddaðu þer þurrgeri. settu svona 2-3 dl af soðnu vatni í hreina skál. vatnið svona 35°c og stráðu þurrgerinu yfir. gefðu því 15 mín með álpappír yfir.

hrærðu ofurvarlega, til að fá sem minnst súrefni í bjórinn, í fötunni með hreinni sleif og heltu síðan gerinu yfir.

gefðu því síðan 2 vikur við 20 gráður (jafnvel hærra) og sjáðu hvort þú nærð ekki að snúa því niður í 1010

Það getur alveg verið eðlilegt að hann stoppi í 1.020 ef þú notaðir 2 dósir af maltextrakt og engann sykur. Maltið í dósunum inniheldur hátt hlutfall ógerjanlegs sykurs/malts til að vega upp á móti að viðbætti sykurinn gerjast 100%.

Takk fyrir svörin...

Ég prófa að gera eins og kristfin leggur til og vona hið besta. Annars verður þetta bara fínn bjór að fá sér í miðri viku, rétt rúm 3 %

Gætir líka hent smá sykri eða malti í til að fá áfengismagnið upp

sennilega er ekki vitlaust að setja sykur til að fá þetta af stað. kannski 200-400gr

Þetta fór niður í 1.015, sleppur alveg... sá ekki uppástungurnar um sykurinn fyrr en of seint - nú er bara að sjá hvort þetta verði drekkanlegt.

Takk fyrir hjálpina.