Fágun

Hefur einhver notað lakkrísrót í bjór?

kv. Úlfar

Já, í fyrsta státinn minn. Sá kom mjög vel út, nema lakkrísinn skilaði sér ekki nógu vel. Hefði líklega þurft að nota meira af honum.

Ég hef ekki gert það ennþá, en hef hug á að gera það.
Ef þú átt ekki lakkrísrót, þá sá ég að hún er til í tiger á 300kr. Veglegur poki með 5 góðum stöngum í.

Einmitt. Pantaði mína frá morebeer.com, og nokkrum vikum síðar sá ég hana í Tiger. En eftir því sem ég hef lesið mér til, þá er gamli apótekaralakkrísinn alls ekki síðri en rótin.

Hvað notaðir þú mikið Idle?

14 gr. í 20 mínútur fyrir 18 lítra.

Mulin rót eða heil?

Ég er búinn að vera að spá í þessu undanfarið. Mig langar til að prófa lakkrís í Alt-uppskrift sem ég hef gert (CYBI).

sigurdur wrote:Mulin rót eða heil?

Hvorki mulin né heil, heldur meira eins og hún hafi verið rifin niður í flísar.

Braumeister wrote:Ég er búinn að vera að spá í þessu undanfarið. Mig langar til að prófa lakkrís í Alt-uppskrift sem ég hef gert (CYBI).

Ég sló til. Ein verstu mistökin hingað til. Ég vildi ekki stefna öllum 50 lítrunum í voða þannig að ég henti 20 grömmum ofan í aðra fötuna eftir að ég var búinn að fleyta í hana (ég kæli yfir nótt). Hefði átt að setja þetta í sigti eða reyna að ná þessu með öðru móti úr bjórnum fyrir gerjun.

Bjórinn fór á flöskur fyrir viku og er viðurstyggð. Gæti skánað. En það versta er að ég ruglaðist á fötum þegar ég tappaði á þannig að tók þann lakkrísaði fyrst og fleytti svo ólakkrísaða bjórunum ofan á leyfarnar af hinum í átöppunarfötuna. Ólakkrísaði klikkaði því líka...

þegar rignir þá hellirignir