Fíflapestó

[Korinna]

Ég fann pestó uppskrift á netinu og lagfærði aðeins fyrir íslenskar aðstæður:

1/2 bolli hnetur (sem dæmi macademia, pine eða (ódýrast) sólblómafræ )
1 1/2 bolli ólívuolía
1/2 bolli parmesan ostur
2 bollar fíflalaufblöð (notið helst laufblöð af plöntum sem eru ekki komin með blóm því þá eru laufblöðin bragðmeiri)
1 tsk ferskur pipar
1 tsk salt

Það má einnig nota aðrar jurtir eins og blóðberg sem dæmi en ég var bara að klippa þetta af í garðinum heima. Ég fann samt einnig smá hundasúru sem ég bætti við. Ég skolaði vel með sjóðandi heitu vatni.
Þetta er allt saman sétt í matvinsluvél þangað til þetta er orðin að mauki.
Geymist kælt í glerkrukku í mánuð eða svo.

Algjör lostæti ofan á ferskt mórabrauð!

[Öli]

Ég hef alltaf verið smeykur við fíflablöð, aðalega vegna þess að maður man sem krakki hvernig fíflamjólkin smakkast.
Eru blöðin eitthvað í líkingu við þau ?

Smakkaði reyndar einusinni fíflavín, en það var svo mikið ger og sykur í því að það hefði þessvegna geta verið bragðbætt með hrossataði og það hefði ekki fundist.

[halldor]

Ég stóð alltaf í þeirri trú að uppistaðan í pestó væri ólífur.
Þetta hljómar mjög vel... ég væri til í að prófa þetta fljótlega

[Hjalti]

Held að það séu engar ólívur í Pestó, nema það sé eithvað sérstakt ólívu pestó eða eithvað.

Venjulegt "Ólívu pestó" gengur undir nafninu tapenade og er alveg þræl fínnt líka

Get sagt ykkur það að þetta fífla pestó er alveg geggjað gott ofaná Móra Brauðið sem kom hérna inn í mmorgun líka....

Mæli með þessu kombói!

[Stulli]

Þið eruð nú meiri nautnaseggirnir

[Korinna]

Ég hef alltaf verið smeykur við fíflablöð, aðalega vegna þess að maður man sem krakki hvernig fíflamjólkin smakkast.
Eru blöðin eitthvað í líkingu við þau ?

Smakkaði reyndar einusinni fíflavín, en það var svo mikið ger og sykur í því að það hefði þessvegna geta verið bragðbætt með hrossataði og það hefði ekki fundist.

Ég hef hvorki smakkað fíflavín né fíflamjólk en jú þetta er pínu beiskt ef þú átt við það. Ég mæli með að nota einhverjar fituríkar hnetur þá í staðinn fyrir sólblómafræin, sem dæmi eru macademiu hneturnar frekar sætar og jafna þetta betur út en fræin gera. Ég notaði bara það sem til var og ég er nokkuð ánægð með þetta eiginlega, hráefnið í krukkuna kostaði kannski svona 100 kall.

[Eyvindur]

Uppistaðan í pestó er ólívuolía, ef út í það er farið... Og í venjulegu, grænu pestói er vanalega notað klettasalat, er það ekki?

[Stulli]

já, eða basil

[Eyvindur]

Æ já, basilika var það, ekki klettasalat... Alveg rétt... Allavega í hefðbundnustu gerðinni...

[Oli]

Pestó er nafn yfir þær sósur þar sem krydd og jurtir ofl hefur verið maukað saman, hvort sem uppistaðan eru ólívur, tómatar eða annað.

[Eyvindur]

Já, það gefur auðvitað auga leið...

[Andri]

ég las þetta einhvernveginn sem fíla pestó... ég væri alveg til í að smakka þannig
fíflapestó hljómar ekki jafn spennandi samt... ég man að ég var alltaf að reyna að fá vini mína til að smakka fíflamjólk... hún var nú ekki góð

[Hjalti]

Þetta er mun betra en fíflamjólkin. Örlítil beiskja en rosalega góð.

[Korinna]

ég las þetta einhvernveginn sem fíla pestó... ég væri alveg til í að smakka þannig
fíflapestó hljómar ekki jafn spennandi samt... ég man að ég var alltaf að reyna að fá vini mína til að smakka fíflamjólk... hún var nú ekki góð

Ég veit ekki um kjöt í pestó, kallast frekar kæfa held ég...ég væri samt til í að smakka fílamjólk

En í alvöru talað, þetta er ekkert eins og fíflamjólk.