Fágun

Sælir,

Hvað eru menn að nota sem hreinsiefni (ekki til að sótthreinsa)? Þ.e. eitthvað sem losar upp óhreinindi eins og t.d. OxyClean.

Ég nota engin hreinsiefni, aðeins heitt vatn (óblandað) og svamp. Það hefur gefist vel til þessa.

Sama hér. Ef eitthvað veldur vandræðum læt ég það liggja í klór í nokkra daga.

Sama hjá mér, svampur og heitt vatn.
Þó í versta falli þá hreinsa ég með oxandi hreinsiefni sem að fæst ekki út í búð hér á landi.

Mikilvægasta reglan til þess að fylgja öllu í sambandi við gerð á gerjuðum matvælum er að hreinsa allt strax eftir notkun og sótthreinsa svo aftur fyrir notkun.
Með því móti þá þarftu oftast ekki að nota hreinsiefni á neitt.

Sammála hinum. Vatn og tuska eða svampur. Nota líka gjarnan klórsódann þegar ég er að þrífa eftir mig. Svo bara skolað og sótthreinsað með joðófór fyrir notkun.

Vil bæta við að það borgar sig aldrei að nota neins konar sápu. Ef eitthvað situr eftir getur það eyðilagt hausinn á bjórnum.

Takk fyrir svörin,

Ég er sammála því að oftast eru hreinsiefni óþarfi ef menn hreinsa búnaðinn strax eftir notkun. En ég fékk nýlega Corny kúta í hús og hefði viljað láta eitthvað hreinsiefni vinna á þeim áður en ég tek þá í notkun. Klórið fer víst illa með þá þannig að það gengur ekki.

Þ.a. spurningin er í raun, hvaða efni (sem fæst á höfuðborgarsvæðinu) er hægt að nota í stað þess að nota þetta ameríska OxyClean?

Ég notaði kók. Það virkaði ágætlega. Annars myndi ég bara hringja í Frigg og spyrja.