Pæling varðandi lager gerjun

[Sigurjón]

Jæja, ég er algjör nýgræðingur svo ekki skjóta mig niður ef þetta hljómar heimskulega.

En ég hef lesið að lager gerjun þurfi mun lægra hitastig til að gerjast rétt. Og þetta er á frekar óþægilegu hitastigi eða eitthvað á milli 10-15 gráða.
Segjum sem svo að ég ætli að brugga í júní og þar sem ég á ekki kæliskáp og hef ekkert pláss fyrir svokeiðis, væri algjört glapræði að hafa gerjunarfötuna bara úti (auðvitað í skjóli og skugga) eða væri það í góðu? Hitastigið er eitthvað um 10-15 gráður hvort sem er. Auðvitað er eitthvað pínu flökt á hitanum, en eru tvær, þrjár gráður til og frá mjög slæmar?

Bara svona aðeins að spekulera.

[Örvar]

Ég myndi ekki mæla með því. Þú værir að fá allt of grófar hitabreytingar myndi ég halda. Gætir t.d. lent í því að hitinn falli of mikið þegar liðið er á gerjunina og gerið gæti fallið út og ekki klárað sitt verk.
Ef lítill ísskápur er alveg út úr myndinni myndi ég skoða aðrar aðferðir eins og að hafa gerjunarfötuna í vatnsbaði eða eitthvað slíkt

[Eyvindur]

Þetta hefur verið gert, með góðum árangri. Sakar ekkert að taka sénsinn, en það er þá alltaf sá möguleiki fyrir hendi að eitthvað klikki. En ef þú kemur gerjuninni vel í gang á réttu hitastigi (ef þú hittir á nokkra daga í röð þar sem hitastigið helst nokkuð stöðugt í skugga) er ekkert því til fyrirstöðu að færa fötuna inn og láta hana klára í heitara umhverfi. Það er upphafið á gerjuninni sem ræður mestu um gerjunarkarakter, og eftir það er ekkert hættulegt að láta það klára við stofuhita. Það gæti verið erfiðara að lagera, en þá gætirðu svosem bara haft fötuna í smá tíma úti - ekki alveg það sama, en ætti að hafa einhver áhrif.

Ég myndi bara prófa þetta. Ekkert víst að það klikki.

[Eyvindur]

Hitabreytingarnar eru líklega ekki stórhættulegar, því ef þú geymir þetta í skugga og skjóli (undir steintröppum, til dæmis) er líklegt að hitasveiflurnar takmarkist nokkuð, og svo tekur svona mikinn vökva nokkuð langan tíma að ná að sveiflast eitthvað að ráði.

[Sindri]

Gætir reynt að redda þér litlum ísskáp og fengið þér http://www.brew.is/oc/Rafmagn/Hitastyring" onclick="window.open(this.href);return false;

[Sigurjón]

Takk fyrir innleggin. Ég hugsa að ég láti vaða einhvern tímann í sumar.
Það gæti kannski verið góð hugmynd að hafa gerjunarfötuna í vatnsbaði á meðan hún er úti til að hitabreytingarnar verði hægari.

[Eyvindur]

Já, mjög góð hugmynd. Þú verður náttúrulega að fylgjast vel með hitaspám, líka, og passa að meðalhitinn verði á góðu róli.