Bjórmarineraðar svínakótelettur.

Öll umræða um mat fer hingað.
Post Reply
User avatar
gunnarolis
Undragerill
Posts: 563
Joined: 23. Mar 2010 16:44

Bjórmarineraðar svínakótelettur.

Post by gunnarolis »

Sælir félagar.

Ég eldaði um síðustu helgi uppskrift sem ég fann á netinu af svínakótelettum. Ég keypti bakka af kótelettum í krónunni á fínum prís og ákvað að gera ekki venjulega (award winnig) hungang/sinnepsgljáann minn heldur flippa eitthvað með þetta.

Marineringin er í rauninni pækill sem hjálpar kjötinu að safna vökva í sig, því eins og menn vita er auðvelt að gera svínakótelettur þurrar og leiðinlegar ef ekki er rétt staðið að málum.

Í uppskriftina þarf eftirfarandi :

Fyrir pækil :
2 bollar vatn
1/2 til 1 flaska dökkur bjór (Ég notaði rúmlega hálfa flösku af Fuller's 1845)
1/4 bolli maldon salt
1/4 bolli púðursykur eða annar brúnn sykur
1/4 bolli melassi (Molasses, ég keypti minn í heilsuhúsinu)
1 1/2 bolli ísmolar

Fyrir kótelettur:
5-6 Kótelettur með beini.
6 geirar hvítlaukur, kraminn.
2 teskeiðar salt
2 teskeiðar svartur mulinn pipar.

Aðferð:
Setti 2 bolla af vatni í lítinn skaftpott og hitaði, bætti salti, púðursykri og melassa í og lét leysast upp. Færði yfir í skál og bætti ísmolum við til að kæla og síðan bjórnum. Setti kótelettur í eldfast mót og hellti marineringunni yfir. Lét þetta hvílast í 3-4 tíma. Tók kóteletturnar uppúr og leyfði pæklinum að renna af þeim.

Blandaði saman hvítlauk salti og pipar í skál, smurði utaná kóteletturnar og setti inn í ofn og eldaði þar til hitinn í kótelettunum náði 65°C, síðan hvíldi ég þær í 3 mínútur áður en ég bar þær fram.

Með þessu hafði ég kartöflugratín og ferkst salat og að sjálfsögðu góðan bjór!

Skál. :skal:
Næst: Bock, Pilsner
Í Gerjun : Brett'd Dubbel, Orval, Flemish Red, Lambic Mk1
Á flösku : Dubbel, Amarillo Smash
Á kút : Rauchbier Märzen.
User avatar
atax1c
Gáfnagerill
Posts: 247
Joined: 17. Apr 2010 18:42

Re: Bjórmarineraðar svínakótelettur.

Post by atax1c »

Hljómar vel, engar myndir ? :fagun:
User avatar
halldor
Undragerill
Posts: 770
Joined: 10. May 2009 00:31
Location: Reykjavík

Re: Bjórmarineraðar svínakótelettur.

Post by halldor »

Pic or it didn't happen!
Plimmó Brugghús
Post Reply