Fágun

Í þetta skiptið var lagt í 2 kvöld í röð.
Einn frumsaminn sem á að vera American Amber Ale og svo Bee Cave. Það er veisla framundan seinnipartinn í júní og eins og mér finnst gaman að gera tilraunir þá ákvað ég að vera pottþétt með einn góðann og auðdrekkanlegann svo Bee Cave varð fyrir valinu. Amberinn á að vera ferskur og auðdrekkanlegur líka, en við skulum sjá til hvernig til tekst.

Vel gert.

Ég er ekki frá því að American Amber og American Brown ale séu uppáhalds stílarnir mínir í dag. Humlagleði og smá malt - sameinar það besta úr báðum heimum.

Jæja, hérna eru svo herlegheitin. Það á að drekka þetta á morgun. Þeir eru frekar ungir og verða mun betri eftir svona 2 vikur en svona er þetta þegar maður fær ekki nógu langan fyrirvara.
Ég er loksins að læra á kornið og liturinn á ambernum varð frábær að mínu mati. Loksins bjór sem er ekki svartur!
Amberinn varð líka eins og ég hafði vonast til. Ferskur og auðdrekkanlegur. Það er svo gaman þegar maður hefur beðið eftir gerjuninni í 2 vikur og útkoman er nákvæmlega eins og maður laggði upp með!

Amberinn var ótvíræður sigurvegari gærkvöldsins.
Ég hafði viljandi sett minna af humlum í hann til að hafa hann minna beiskann og gera hann þannig að góðum sumarbjór.

Ég er aftur að brugga fyrir veislu og ákvað að gera þessa tvo aftur.
Bee Cave-inn er blátt áfram en ég ákvað að breyta aðeins út af laginu með Amberinn (Eiríkur Rauði).
Ég sleppti 20 grömmunum af svarta maltinu sem gaf slatta af litnum og ákvað að prufa að decocting meskja. Samkvæmt því sem ég hafði lesið ætti fátt annað að hafast upp úr því en dekkri virtur, örlítið betri nýtni og aðeins sterkari malt carachter.
Þetta tók auðvitað mun lengri tíma í meskingu en ég hafði bara gaman að þessu. Ég var ánægður með litinn og virturinn bragðaðist vel. Ég ætla að halda eftir flösku af ER 1.0 og bera saman við ER 1.5 þegar hann verður tilbúinn til drykkju eftir sirka mánuð.