Page 1 of 1

What Gose up must come down - Gose

Posted: 25. May 2015 09:47
by æpíei
Ég er að gera tilraunir með súrmeskingu. Í vetur gerði ég Berliner Weisse þar sem ég sýrði virtinn með pakka af tilbúnum Lactobacillus gerlum sem ég fékk úr Wyeast 5223-PC. Það tókst mjög vel og varð úr mjög súr Berliner Weisse (ph ca 3,0) sem vann verðlaun sem áhugaverðasti bjórinn í Bjórgerðarkeppni Fágunar 2015.

Nú langar mig að gera gose. Gose er þýskur bjórstíll sem BJCP hefur sett inn á opinbera bjórstílalistann 2015. Einkenni hans eru salt og einnig smá súr á móti. Þá er einnig talsverður kóreander í bragði. Uppskriftin sem ég nota er eftirfarandi:

22 lítrar, OG 1.050, 6,5 IBU, alc ca 5%
3,2 kg hveitimalt
1,75 kg pilsner
0,15 kg melanoidin
15g saaz 60 mín
20g kóreander fræ 5 mín
20g salt 5 mín
W2565 Kolsch yeast, 1,5 lítra starter

Eftir meskingu lét ég virtinn kólna niður að 50 gráðum og setti þá út í hálft kíló af ómuldu hveitimalti. Setti það í poka ofan í virtinn, blés smá kolsýru ofan á og lokaði. Ég tók ph mælingu og var hún 5,44 (aðeins of hátt líklega fyrir meskingu, en ég er að vinna í því að bæta mig í viðbótum). Nú rúmlega 12 tímum síðar tók ég ph mælingu og er hún 4,36. Virturinn er núna 25 gráður og hann ilmar af léttum súr, alveg eins og hann á að vera. Ég ætla að fara með hann niður í ca 4,0 og sjóða þá eins og venjulega.

Fyrst ég minntist á viðbætur þá er ekki úr vegi að nefna þær sem ég notaði. Ég studdist við Bru'n water skjalið og setti eftirfarandi út í 25 lítra: 12g gifs, 3g kalsíum klóríð, 3g epsom salt, 2g bökunarsódi og 2g kalk. Í 5 lítra skolvatnið fór: 2,5g gifs, 0,8g epsom og 0,8g kalsíum klóríð. Eins og ég minntist á var ph heldur hátt í meskingu, æskilegt er að það sé á milli 5,1 og 5,3. Það er markmiðið að ná tökum á því fyrir næsta brugg.

Re: What Gose up must come down - Gose

Posted: 25. May 2015 10:04
by æpíei
Ég læt til gamans fylgja með mynd af umræddum Berliner Weisse þegar bakteríurnar höfðu verið 2 sólarhringa í virtinum. Þá var ph komið niður í 3,0 og var hann heldur ófrínilegur að sjá. Ég sauð hann ekki heldur bara rétt fór upp að suðu til að gerilsneiða, kældi svo aftur og gerjaði með 2 pökkum af US-05.

Re: What Gose up must come down - Gose

Posted: 25. May 2015 14:33
by æpíei
ph 4 náðist eftir ca 19 tíma. Þá var komin þykk hvít froða ofan á virtinn og örlaði aðeins á svona brúnum flekkjum eins og sést á myndinni hér að ofan af Berliner Weisse. Ljúfur súr angan. Ég hlakka til að smakka þennan í sumar.

Re: What Gose up must come down - Gose

Posted: 3. Jun 2015 11:55
by æpíei
Ég vissi að Kölsch gerið væri mjög kröftugt og því notaði ég blow-off slöngu í stað vantsláss (þ.e. plastslanga sett í gatið á gerjunarílátinu og hún leidd ofan í plastflösku sem er hálf full af joðlausn). Það var eins gott því gerjunin byrjaði með krafti strax á fyrsta sólarhring. Lætin voru þvílík að það heyrðist búbl úr flöskunni út um allt brugghús á nokkurra sekúnda fresti. Nú tæpum 9 dögum síðar er FG komið í 1.014 skv mælingu, hafði þó vænst þess að hann fari aðeins neðar. Smakkaði á prufunni og hún er mjög fín, mátulega súr og saltur. Gef honum nokkra daga enn og þá ætti hann að vera klár í flöskur.

Re: What Gose up must come down - Gose

Posted: 28. Oct 2015 16:15
by æpíei
Ég er að gera þennan aftur sem Þorlákur helgi, þorláksmessubjórinn í jóladagatalinu. Ég ætla að breyta honum örlítið og fá smá reyk í hann líka. Skipti því út 0,5 kg af hveiti fyrir reykt hveiti. Þá ætla ég með hann aðeins neðar í súr, rétt undir ph 4. Ég held að þetta verði viðeigandi bjór með skötunni, nú eða bara einn og sér svona rétt fyrir jólin.